Kun Ano an Sasabihon Manongod sa mga Magasin

An Torrengbantayan Marso 15

“An mga tawo parateng nagtataram manongod sa pagdatong ni Jesu-Cristo. Sa paghona daw nindo ini sarong pangyayari na dapat antisiparon o katakotan? [Pasimbagon.] Mangnoha kun ano an nagin saboot manongod dian kan kagsurat sa Biblia na si Juan. [Basahon an Kapahayagan 22:20.] Ipinapaliwanag kan magasin na ini kun ano an gigibohon kan pagdatong ni Cristo.”

Awake! Marso

“Dakol na namomoon sa kinaban an garo baga orgolyosong marhay. Sa paghona daw nindo an aktitud na ini nakakakontribwir sa katoninongan asin pagkaoroyon sa kinaban? [Pasimbagon.] Ini an sinasabi kan Biblia manongod sa pag-orgolyo. [Basahon an Talinhaga 16:18.] Ipinapaliwanag kan artikulong ini an mga pakinabang nin pagigin mapakumbaba.” Itampok an artikulo na nagpoon sa pahina 20.

An Torrengbantayan Abril 1

“Haros aroaldaw napapaatubang kita sa mga hapot manongod sa satong salud, satong pamilya, asin satong trabaho. Sa paghona nindo, saen daw kita makakakua nin masasarigan asin praktikal na mga simbag? [Pasimbagon.] Mangnoha an sinasabi kan Biblia sa 2 Timoteo 3:16. [Basahon.] Ipinapaheling kan magasin na ini kun paano kita matatabangan kan Biblia sa dakol na praktikal na paagi.”

Awake! Abril

“Sa dakol na kabtang kan kinaban, namamatean kan mga tawo na nagrururo an mga pamantayan sa moral. Nariparo daw nindo ini? [Pasimbagon.] An mga kamugtakan na naheheling niato ngonyan nag-ootob nin sarong propesiya sa Biblia. [Basahon an 2 Timoteo 3:2-4.] Ipinapaheling kan magasin na ini kun ano an kahulogan kan pagruro nin moral asin kun saen kaiyan dadarahon an katawohan.”