Kun Ano an Sasabihon Manongod sa mga Magasin

An Torrengbantayan Abr.–Hun.

“Huling inaabuso an mga kayamanan sa naturalesa kan daga, napag-isip-isip na daw nindo kun magdadanay pa an daga? [Pasimbagon.] Mangnohon an nakakarangang panugang ini. [Basahon an Salmo 104:5.] Ipinapaheling kan artikulong ini kun ano an sinasabi kan Biblia manongod sa ngapit kan daga.” Itampok an artikulo na nagpoon sa pahina 10.

Awake! Abr.

“Huli sa gabos na kaipuhan niatong gibohon, dakol an nadedepisilan na magtagama nin panahon sa pagsamba sa Dios. Depisil daw iyan para sa saindo? [Pasimbagon. Dangan basahon an Efeso 5:15-17.] Itinatao kan artikulong ini an rasonableng paliwanag kan Biblia mapadapit sa kun gurano kadakol na panahon asin kosog an inaasahan nin Dios na idudusay niato sa saiya.” Itampok an artikulo na nagpoon sa pahina 20.

The Watchtower Mayo 1

“Sinasabi nin dakol na tawo na nagtutubod sana sinda sa naheheling ninda. Minaoyon daw kamo sa sainda? [Pasimbagon. Dangan basahon an Roma 1:20.] Itinatampok kan magasin na ini an tolo sa mga kualidad nin Dios na malinaw niatong naheheling sa mga linalang asin ipinapaliwanag kaini kun ano an puedeng magin epekto sa sato kan pakaaram manongod sa mga kualidad na ini.”

Awake! Mayo

“Kinakatakotan nin dakol na tawo ngonyan an ngapit. Sa paghona daw nindo magigin mas marahay an mga bagay-bagay, o sa paghona daw nindo magigin mas maraot iyan? [Pasimbagon. Dangan basahon an Kapahayagan 21:3, 4.] Ipinapaliwanag kan magasin na ini kun taano ta makakasarig kita na madali nang resolberan nin Dios an depisil na mga problema na dai ikinakatanos nin katawohan.”