Kun Ano an Sasabihon Manongod sa mga Magasin

An Torrengbantayan Abr. 15

“Bako daw na igwa nin daing katapusan na impormasyon na makukua ngonyan? [Pasimbagon.] Minsan siring, mayo na nin mas mahalaga pa kisa sinasabi sa tekstong ini. [Basahon an Juan 17:3.] Ipinapaliwanag kan magasin na ini kun ano an kahulogan kan terminong ‘buhay na daing katapusan’ asin kun paano niato makukua an kaaraman na minagiya pasiring dian.”

Awake! Abr. 22

“Minsan ngani si Jesu-Cristo tibaad mas midbid kisa siisay man na tawo na nabuhay kasuarin pa man, dakol na tawo an nag-iisip kun siisay talaga sia. Aram daw nindo na dawa an mismong mga apostol ni Jesus nag-isip man dapit kaini? [Pasimbagon. Dangan basahon an Marcos 4:41.] Sinisiyasat kan magasin na ini an sinasabi kan Biblia manongod sa kun siisay talaga si Jesus.”

An Torrengbantayan Mayo 1

“Kun magadan an sarong namomotan niato, natural sana na boot niatong maheling giraray an tawong iyan. Minaoyon daw kamo? [Pasimbagon.] Dakol an nararanga sa panuga kan Biblia na pagkabuhay liwat. [Basahon an Juan 5:28, 29.] Tinotokar kan magasin na ini kun noarin mangyayari an pagbuhay liwat asin kun siisay man nanggad an makikinabang dian.”

Awake! Mayo 8

“An kadaklan na magurang mapamili sa kun ano an itinotogot nindang dalanon kan saindang mga aki. Nadedepisilan daw kamo na makakua nin angay na mga pelikula para sa saindong pamilya? [Pasimbagon. Dangan basahon an Efeso 4:17.] Ipinapaliwanag kan magasin na ini kun paano matatabangan nin mga magurang an saindang mga aki na pumili nin aling-alingan na kapakipakinabang.”