Kun Ano an Sasabihon Manongod sa mga Magasin

An Torrengbantayan Abril 15

“Garo baga paorog nang paorog na naglalakop an maringis na mga gibo. [Magtao nin sarong lokal na halimbawa o sarong halimbawa na hale sa magasin.] Napag-isip-isip na daw nindo kun taano ta maringison an mga tawo? [Pasimbagon.] Ihinula kan Biblia an pag-orog nin karingisan. [Basahon an 2 Timoteo 3:1-5.] Sinisimbag kan magasin na ini an hapot na, ‘Matatapos pa daw an karingisan?’”

Awake! Abril

“Dakol an naghihingakong Kristiano. Ano daw sa paghona nindo an boot sabihon nin pagigin sarong Kristiano? [Pasimbagon.] Mangnoha an sinabi digdi ni Jesus. [Basahon an Juan 15:14.] Ipinapaheling kan artikulong ini na orog pa an kaipuhan kisa pagsabi sana na an saro Kristiano.” Itampok an artikulo na nagpoon sa pahina 26.

An Torrengbantayan Mayo 1

“An pagkagadan nin sarong aki dahelan nin hararom asin nagdadanay na kolog para sa mga magurang. Saen daw sinda sa paghona nindo makakadolok para sa karangahan? [Pasimbagon. Dangan basahon an Roma 15:5.] Tinotokar kan magasin na ini an nagkapira sa mga paagi na an Dios nagtatao nin karangahan sa mga nagmomondo.”

Awake! Mayo

“May mga tawo na nagkakamit nin kayamanan, mantang an minilyon pang iba nabubuhay sa kadukhaan. Sa paghona daw nindo maheheling pa niato an panahon na mawawara na an siring na dai pagkakapantaypantay? [Pasimbagon.] Mangnoha kun ano an pagmansay nin Dios sa mga dukha. [Basahon an Salmo 22:24.] Ipinapaliwanag kan magasin na ini an paglaom sa Biblia para sa mga dukha.”