Iskedyul sa Pagtiripon sa Paglilingkod
Semana nin Hunyo 13
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 8 (kun angay sa saindong teritoryo) tangani na idemonstrar kun paano iaalok an Torrengbantayan na Hunyo 15 asin an Awake! na Hunyo 22. Puedeng gumamit nin ibang realistikong mga pag-atubang. Sa saro sa mga pag-atubang, idemonstrar an pag-alok kan mga magasin sa impormal na paagi.
15 min: Tabangan an Iba na Magin Dai Pa Bautisadong Parahayag. Pahayag asin pakikipag-olay sa mga nagdadangog nin sarong magurang sa kongregasyon basado sa Organisado sa Paggibo kan Kabotan ni Jehova, pahina 79-81. Tokaron an areglo para sa pagdeterminar kun baga naaabot na nin sarong inaadalan sa Biblia an mga kahagadan kan Kasuratan para sa pakikikabtang sa paglilingkod sa langtad kaiba kan kongregasyon. Sa sunod na semana pag-oolayan niato kun paano niato sasanayon an mga inaadalan sa Biblia na kualipikado nang magin dai pa bautisadong parahayag na magpoon na makikabtang sa ministeryong pagharongharong.
20 min: “An Paghuhulit Nakakatabang sa Sato na Magtagal.”a Pakomentohan sa mga nagdadangog an sitadong mga teksto kun may oras pa.
Kanta 149 asin pantapos na pamibi.
Semana nin Hunyo 20
10 min: Lokal na mga paisi. Repasohon an pangenot na mga punto na yaon sa An Satong Ministeryo sa Kahadean na Hulyo 2003, pahina 4. Ipaliwanag kun paano makakakua an mga parahayag nin mga babasahon sa ibang lenguahe. Ipaliwanag kun paano aplikado sa lokal na teritoryo an impormasyon na ini. An ano man na paghagad nin mga babasahon sa ibang lenguahe maninigo na gibohon paagi sa literature servant, dawa kun iyan sasaro sanang kopya, tanganing maresibi an kaipuhan na mga babasahon na mayo nin dai kaipuhan na pagkaatraso.
15 min: An Tataramon nin Dios Mapuersa. (Heb. 4:12) Pahayag basado sa Torrengbantayan na Nobyembre 15, 2003, pahina 11, parapo 13-17. Magsaysay nin mga eksperyensia na nagpapaheling kun paano mapapahiro kan pagtotokdo sa Biblia an mga tawo na gumibo nin mga pagbabago sa saindang pamumuhay. (w00 1/1 p. 3-5) Dagkahon an gabos na gamiton na marhay an Biblia sa gabos na kabtang kan ministeryo.
20 min: “Pagkondukta nin Progresibong mga Pag-adal sa Biblia—Kabtang 9.”b Kun pinag-oolayan an parapo 2, itampok an saro o duwang punto hale sa An Satong Ministeryo sa Kahadean na Disyembre 2004, pahina 8. Iiba an sarong halipot na demonstrasyon nin pag-adal sa Biblia. Pagkatapos kan leksion 2 sa brosyur na Kahagadan, hahapoton kan konduktor an inaadalan sa Biblia: “Paano mo ipapaliwanag sa sarong katood kun ano an ngaran nin Dios?” Ipapaliwanag kan inaadalan sa Biblia kun paano nia gagamiton an Salmo 83:18, na pakatapos kaiyan, tatawan sia nin komendasyon kan konduktor.
Kanta 208 asin pantapos na pamibi.
Semana nin Hunyo 27
10 min: Lokal na mga paisi. Pagirumdomon an mga parahayag na itao an saindang mga report nin paglilingkod sa langtad para sa Hunyo. Basahon an report sa kuenta asin mga pasasalamat sa donasyon. Ginagamit an suhestion na mga pag-atubang na nasa pahina 8 (kun angay sa saindong teritoryo), idemonstrar kun paano iaatubang an arin man sa Torrengbantayan na Hulyo 1 o an Awake! na Hulyo 8. Puedeng gumamit nin ibang realistikong pag-atubang. Pakatapos kan demonstrasyon, sambiton giraray an pambukas na mga tataramon na ginamit tanganing pukawon an interes kan kagharong.
15 min: Lokal na mga pangangaipo.
20 min: Pag-alok kan mga Brosyur sa Hulyo Asin Agosto. Pahayag asin pakikipag-olay sa mga nagdadangog basado sa suplemento. Ipaliwanag sa halipot kun paano gagamiton an suplemento, na itinatampok an kahon sa pahina 3 kabale an pangenot na mga punto na yaon sa An Satong Ministeryo sa Kahadean na Enero 2005, pahina 8. Tokaron an mga suhestion na angay sa lokal na teritoryo para sa pag-alok kan mga brosyur sa enot na mga pagdalaw. Ipademonstrar an duwa o tolong pag-atubang. Gumamit nin sarong aki pang parahayag sa kisuerra sarong demonstrasyon.
Kanta 196 asin pantapos na pamibi.
Semana nin Hulyo 4
10 min: Lokal na mga paisi.
15 min: Nakikinabang daw Kamo sa Sarong Pampamilyang Iskedyul? Repasohon an mga suhestion sa suplemento kan An Satong Ministeryo sa Kahadean na Mayo 2005, asin pakomentohon an mga nagdadangog dapit sa mga paghihingoang ginibo ninda tanganing iaplikar an mga suhestion asin sa mga pakinabang na inako ninda sa paggibo kaiyan.
20 min: “Paghuhulit nin Epektibo sa Pampublikong mga Lugar.”c Iaplikar sa lokal na teritoryo. Pagirumdomon an mga parahayag na gamiton an pormang Please Follow Up (S-43) kun angay.—Helingon An Satong Ministeryo sa Kahadean na Pebrero 2005, p. 6.
Kanta 120 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.