Iskedyul sa Pagtiripon sa Paglilingkod
Semana nin Hulyo 11
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 4 (kun angay sa saindong teritoryo) tangani na idemonstrar kun paano iaatubang an Torrengbantayan na Hulyo 15 asin an Awake! na Hulyo 22. Puedeng gumamit nin ibang realistikong mga pag-atubang. Sa kada demonstrasyon, ipaheling an laen na paagi nin pagsimbag sa tibaad habong makipag-olay na nagsasabing “Sibot ako.”—Helingon an librong Reasoning, p. 19-20.
15 min: Lokal na mga pangangaipo.
20 min: “Pagpaabot kan Maogmang Bareta sa Pinakadakol na Tawong Mapupuede.”a Kun pinag-oolayan an parapo 5, repasohon an mga suhestion sa An Satong Ministeryo sa Kahadean na Hunyo 2005, pahina 8, na aplikado sa lokal na teritoryo.
Kanta 88 asin pantapos na pamibi.
Semana nin Hulyo 18
10 min: Lokal na mga paisi. Tokaron sa halipot an Torrengbantayan na Agosto 15, 2000, pahina 32. Idoon an mga pakinabang sa pagpapadanay nin regular na programa nin aroaldaw na pagbasa sa Biblia, dawa durante kan mga panahon nin bakasyon asin sa ibang panahon na mayo kita sa satong normal na rutina.
15 min: “Pagkondukta nin Progresibong mga Pag-adal sa Biblia—Kabtang 10.”b Iiba an sarong demonstrasyon na nagpapaheling nin sarong sesyon sa pag-ensayo. Mantang ineensayo kan inaadalan sa Biblia an sarong pag-atubang, an konduktor, na iyo an mapapel bilang kagharong, masayuma asin, kan dai segurado kan inaadalan sa Biblia an sasabihon, ipapaliwanag nia kun paano iyan puedeng simbagon. Dugang pa, iareglo nin patienot an saro o duwa na magkomento manongod sa pagsasanay na inako ninda kan ponan na nindang makikabtang sa ministeryo sa harong-harong.
20 min: Tabangan an Iba na Masabotan an Biblia. Hapot-simbagan basado sa librong Nagkakasararo sa Pagsamba, pahina 21-2, parapo 3-6. Gamiton an mga hapot para sa pag-adal na nasa libro. Iiba an mga komento na nasa brosyur na Sarong Libro Para sa Gabos na Tawo, pahina 32.
Kanta 10 asin pantapos na pamibi.
Semana nin Hulyo 25
15 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion na nasa pahina 4 (kun angay sa saindong teritoryo), idemonstrar kun paano iaatubang an Torrengbantayan na Agosto 1 asin an Awake! na Agosto 8. Puedeng gumamit nin ibang realistikong mga pag-atubang. Sa saro sa mga pag-atubang, idemonstrar an pag-alok nin mga magasin sa impormal na paagi sa sarong sadan o sa iba pang angay na pampublikong lugar.
10 min: Itadom an Katotoohan sa Puso kan Aki Nindo. (Deut. 6:7) Pahayag nin sarong magurang sa kongregasyon basado sa Torrengbantayan na Agosto 15, 2002, pahina 30-1. Idoon an mga prinsipyo sa Kasuratan na nagtataong giya sa pagsasanay sa aki para sa sarong Kristianong magurang na an agom bakong Saksi.
20 min: “Sarong Utang Niato sa Iba.”c Iiba an mga komento na nasa Torrengbantayan na Hulyo 1, 2000, pahina 11, parapo 13.
Kanta 82 asin pantapos na pamibi.
Semana nin Agosto 1
15 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Hulyo. Imbitaran an mga nagdadangog na buksan an pahina 70 kan librong Paadalan sa Pagmiministro, asin paagi sa hapot-simbagan, pag-olayan an parapo 1-2 patin an kahon na “Kun Paano Makomento sa mga Pagtiripon.”
15 min: “Tabangan an mga Aki Nindo na Umoswag sa Ministeryo.” Pahayag asin pakikipag-olay sa mga nagdadangog. Iiba an sarong demonstrasyon nin sarong magurang asin aki na ginagamit an sarong pinasimpleng pag-atubang. An magurang an matapos kan pag-atubang paagi sa halipot na pagpaliwanag kan areglo sa donasyon.
15 min: Naprobaran na daw Nindo an Madaling Ibagay na Pamamaagi? Pahayag asin pakikipag-olay sa mga nagdadangog basado sa An Satong Ministeryo sa Kahadean na Enero 2005, pahina 6. Repasohon an itinaong mga suhestion, asin ipaheling kun paano magagamit an sarong madaling ibagay na pamamaagi para sa alok sa Agosto. Ipademonstrar an saro o duwang pag-atubang.
Kanta 218 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.