Kun Ano an Sasabihon Manongod sa mga Magasin

An Torrengbantayan Hun. 15

“An kadaklan sa sato ginagamit an dakol na kabtang kan satong buhay sa pagtatrabaho. An nagkapira minamansay iyan bilang sarong bendisyon; an iba minamansay iyan bilang sumpa. Kamo, ano daw sa paghona nindo? [Pasimbagon. Dangan basahon an Eclesiastes 2:24.] Ipinapaheling kan magasin na ini kun paano kita matatabangan kan Biblia na magkaigwa nin balanseng pagmansay sa trabaho. Ipinapaliwanag man kaiyan kun paano aatubangon an tension na konektado sa trabaho.”

Awake! Hun. 22

“Sa paghona daw nindo mas mapaparahay an satong komunidad kun sinusunod kan gabos an mga tataramon na ini? [Basahon an Efeso 4:28. Dangan pasimbagon.] Ipinapaliwanag kan magasin na ini an grabeng epekto na sinasapar kan lambang saro sa sato dahelan sa pan-iikit sa tindahan. Ipinapaheling man kaiyan kun paanong sa dai na mahahaloy mawawara na an pan-iikit sa tindahan, asin gabos na iba pang krimen.”

An Torrengbantayan Hul. 1

“Kita gabos may midbid na mga tawo na garo baga mapanggana pero nakakamate pa man giraray na garo may kulang sa saindang buhay. Ano sa paghona nindo an hinahanap ninda? [Pasimbagon. Dangan basahon an Mateo 5:3.] Ipinapaliwanag kan magasin na ini an sarong importanteng liabe sa pagkamit nin katoninongan nin isip—an pagpanigo sa satong espirituwal na pangangaipo.”

Awake! Hul. 8

“Huli sa grabeng kompetensia ngonyan sa paghanap nin malalaogan na trabaho, sarong mayor na problema an kawaran nin trabaho. Tinotokar kan magasin na ini an limang paagi sa paghanap nin trabaho. [Itampok an mga subtema na nasa mas maitom na letra sa artikulong “Five Keys to Finding a Job.”] Nagtatao man iyan nin praktikal na mga suhestion kun paano magdadanay sa trabaho.” Basahon an Talinhaga 22:29, na kinotar sa pahina 10.