Kun Ano an Sasabihon Manongod sa mga Magasin

An Torrengbantayan Hunyo 15

“Sa paghona daw nindo posible na magin maogma sa ibong kan mga problema na inaatubang niato? [Pasimbagon.] Dinadara kan magasin na ini an atension sa sarong gikanan nin giya na makakatabang sa sato na mapangganang atubangon an mga kadepisilan sa buhay. Tinotokar man kaiyan an nakakasustenir na puersa nin tunay na paglaom.” Basahon an Kapahayagan 21:3, 4.

Awake! Hunyo

“Maoyon daw kamo na an dai pa sana nahahaloy na mga kalamidad nagtampok kan kahalagahan nin paghimate sa mga patanid? [Pasimbagon.] Tinotokar kan artikulong ini an mga leksion na nanodan kan mga nakaligtas sa Bagyong Katrina. Nasasambitan man kaiyan an sarong patanid na kaipuhan na himateon niato gabos ngonyan.” Itampok an artikulo na nagpoon sa pahina 14.

An Torrengbantayan Hulyo 1

“Sa kinaban ngonyan na pano nin kariribokan, dakol an naghahapot: ‘Taano ta pano-pano nin problema an buhay? Kun may Dios, taano ta dai sia minahiro tangani na haleon an pagdusa?’ Napag-isip-isip na daw nindo an manongod dian? [Pasimbagon.] Itinatao kan magasin na ini an nakakapagpaliwanag na simbag kan Biblia sa mga hapot na iyan.” Basahon an 2 Timoteo 3:16.

Awake! Hulyo

“Ngonyan, padakol nang padakol na mag-agom an nasasakitan. Sa paghona daw nindo makikinabang an mga mag-agom sa pag-aplikar kan ipinasabong na hatol na ini? [Basahon an Efeso 4:32. Dangan pasimbagon.] Tinotokar kan isyung ini kan Awake! an mga prinsipyo sa Biblia na probado na sa halawig na panahon na makakatabang sa sato na magkaigwa nin maogmang pag-agoman.”