Kun Ano an Sasabihon Manongod sa mga Magasin

An Torrengbantayan Hun. 15

“Dai daw kamo maoyon na sarong angat an pagsasanay sa mga aki sa modernong kinaban ngonyan? [Pasimbagon.] Mangnohon nindo an garantiyang ini na puedeng magin mapanggana an mga magurang. [Basahon an Talinhaga 22:6.] An isyung ini kan An Torrengbantayan nagtatao nin praktikal na sadol tangani na tabangan an mga magurang na makayang atubangon an angat na ini.”

Awake! Hun. 22

“May mga naniniwala na bako daang sientipiko an magtubod sa Dios. Alagad aram daw nindo na igwa nin mga sientista na nagsasabi na an siensia talagang nagsusuportar sa pagtubod na igwa nin Kaglalang? [Pasimbagon.] Ipinapaliwanag kan isyung ini kan Awake! an nagkapira sa ebidensia na nagin dahelan na sinda makaabot sa konklusyon na iyan.” Basahon an Roma 1:20.

An Torrengbantayan Hul. 1

“Sa mga panahon nin trahedya, dakol an naghahapot kun baga an Dios talagang may pagmakolog sa mga tawo asin naririparo an saindang pagdusa. Napag-isip-isip na daw nindo iyan? [Pasimbagon.] Tinotokar kan magasin na ini kun paano an Dios nagpapaheling nin pagmakolog sa sato ngonyan asin kun paano nia itinao an basehan sa paghale kan gabos na pagdusa.” Basahon an Juan 3:16.

Awake! Hul. 8

“Para sa dakol na tawo, an mga taon nin pagkatinedyer panahon nin mga kagayagayahan sagkod angat, dai daw kamo maoyon? [Pasimbagon.] Tinotokar kan magasin na ini an mga pagbabago na inaagihan nin mga barobata. Sinisiyasat man kaiyan an nagkapirang may kabatidan na sadol na makakatabang sa sainda na kamtan an pinakamarahay sa saindang mga taon nin pagkatinedyer.” Basahon an Eclesiastes 12:1.