Kun Ano an Sasabihon Manongod sa mga Magasin

An Torrengbantayan Mayo 15

“Napag-isip-isip na daw nindo kun baga an mga bagay na ginigibo nin mga tawo digdi sa daga igwa nin ano man na epekto sa Dios? [Pasimbagon.] Mangnoha kun paano makakaapektar sa saboot nin Dios an satong mga gawe-gawe. [Basahon an Talinhaga 27:11.] Kinokonsiderar kan magasin na ini an nagkapirang halimbawa nin mga tawo na nagpagayagaya sa puso nin Dios, asin ipinapaliwanag kaiyan kun paano man niato iyan magigibo.”

Awake! Mayo 22

“An siensia medikal nakagibo nin pambihirang pag-oswag sa paglaban sa helang, alagad sa paghona daw nindo makakaheling pa kita nin sarong kinaban na biyong talingkas sa helang? [Pasimbagon.] Ipinapaliwanag kan magasin na ini na maabot an aldaw na an gabos sa daga magkakaigwa nin sangkap na salud bilang kaotoban kan panugang ini.” Basahon an Isaias 33:24.

An Torrengbantayan Hun. 1

“May mga naniniwala na dai na kaipuhan na magin kabtang nin establisadong relihion tangani na sambahon an Dios. Napag-isip-isip na daw nindo iyan? [Pasimbagon.] Sinisiyasat kan magasin na ini an rekord kan mga tratamiento nin Dios sa mga tawo kan nakaaging mga panahon. Ipinapaliwanag man kaiyan kun ano an kahulogan kan pagsamba sa Dios sa katotoohan.” Basahon an Juan 4:24.

Awake! Hun. 8

“Dakol ngonyan an nakakaeksperyensia nin kamondoan. Kalabot digdi an pagmate nin pagigin siblag sa iba. Dai daw kamo maoyon na puede ining magin makolog? [Pasimbagon. Dangan basahon an Salmo 25:16.] An isyung ini kan Awake! nagtatao nin praktikal na mga suhestion sa pakikipaglaban sa kamondoan.”