Kun Ano an Sasabihon Manongod sa mga Magasin

An Torrengbantayan Mayo 15

“Sa paghona daw nindo maoogma kamong mag-istar sa irarom kan mga kamugtakan na ilinadawan sa ipinasabong na bersikulong ini? [Basahon an 2 Pedro 3:13. Dangan pasimbagon.] Ipinapaliwanag kan magasin na ini kun ano an bagong kalangitan asin bagong daga. Sinasabi man kaiyan na magigin laen nanggad an buhay kun otobon na nin Dios an saiyang katuyohan para sa daga.”

Awake! Mayo

“May mga tawong naniniwala na tanganing magin mapanggana sa presenteng kinaban, kaipuhan nindong magin agresibo. Sa kabaliktaran, mangnohon an irinekomendar ni Jesus. [Basahon an Mateo 5:5, 9.] Maoyon daw kamo dian? [Pasimbagon.] Itinatampok kan magasin na ini an tolong pakinabang sa pagigin mapagpatoninong.” Itampok an artikulo na nagpoon sa pahina 28.

An Torrengbantayan Hunyo 1

“Sa kadaklan na kultura, may panahon kaidto na an mga may edad na tinatratar na may paggalang, siring kan maheheling sa suanoy na ley na ini. [Basahon an Levitico 19:32.] Sa paghona daw nindo kaugalean pa sagkod ngonyan an siring na paggalang? [Pasimbagon.] Ipinapaliwanag kan magasin na ini kun paano an Dios nagmamakolog sa mga may edad na asin kun paano man niato iyan magigibo.”

Awake! Hunyo

“An terorismo bako nang bago, alagad ngonyan iyan nagin nang pambilog na kinaban na pangyayari, na nakakaapektar sa buhay kan haros gabos. Taano daw sa paghona nindo ta siring kaiyan? [Pasimbagon.] An isyung ini kan Awake! nagpapaheling basado sa Biblia kun noarin matatapos an terorismo asin kun paano papangyayarihon nin Dios an tunay na katoninongan sa daga.” Basahon an Miqueas 4:4.