Sampol na mga Presentasyon

Pagpoon nin mga pag-adal sa Biblia sa enot na Sabado sa Hunyo

“Gabos kita nagadanan na nin kapamilya o katood. Naglalaom daw kamo na maheling sinda giraray? [Pasimbagon.] Mangnohon nindo an nakakarangang ideyang ini.” Basahon asin ipaliwanag an laog kan enot na subtema sa pahina 16 kan Hunyo 1 na isyu kan The Watchtower asin an saro sa mga sitadong teksto. Ialok an mga magasin, asin iareglo na magbalik tanganing pag-olayan an simbag sa sunod na hapot.

The Watchtower Hunyo 1

“Dakol sa sato an nasasakitan na patamatamaon an satong ginaganar, asin an nagkapira mayo ngani kan mga pangangaipo sa buhay. Sa paghona daw nindo maheheling pa niato an panahon na mayo na nin dukha? [Pasimbagon. Dangan basahon an Salmo 9:18.] Ipinapaheling kan magasin na ini an dahelan nin kadukhaan asin kun ano an sinasabi kan Biblia manongod sa tunay na solusyon sa problemang ini.”

Awake! Hunyo

“An terorismo nagin nang problema na lakop sa bilog na kinaban. Ano sa paghona nindo an dahelan? [Pasimbagon.] An mga tataramon na ini hale sa Biblia nagtatao sa sato nin paglaom. [Basahon an Salmo 72:7, 14.] Ipinapaliwanag kan magasin na ini an nagkapira sa mga dahelan nin terorismo asin ipinapaheling kaini kun ano an sinasabi kan Biblia manongod sa kun paano asin kun noarin matatapos an terorismo.”