Sampol na mga Presentasyon

Sa pagpuon nin mga pag-adal sa Bibliya sa inot na Sabado nin Hunyo

“Haros gabos na nakaulay mi gustong magin matuninong an kinaban. Pero, igwa pa man giraray nin mga giyera. Sa hiling nindo, taano ta dipisilon magkaigwa nin katuninungan sa kinaban?” Pasimbagon. Dangan ipahiling an likod kan Watchtower na Hunyo 1, asin pag-ulayan an inot na hapot saka kisiyera saro sa sitadong mga teksto. Ialok an mga magasin, asin iareglo an pagdalaw liwat tanganing pag-ulayan an sunod na hapot.

Pasabot: An presentasyon na ini maninigong idemonstrar sa pagtiripon bago maglingkod sa langtad sa Hunyo 1.

The Watchtower Hunyo 1

“May halipot kaming pagdalaw sa lugar nindo. Ipinapakipag-ulay mi an manungod sa sarong lakop na problema. An kadaklan na tawo nag-agi na nin diskriminasyon. Sa paghuna nindo, igwa daw nin lugar sa kinaban na mayo nin diskriminasyon? [Pasimbagon.] Hilinga kun ano an paghiling nin Diyos sa gabos na tawo. [Basahon an Guibo 10:34.] Tinutukar kan magasin na ini kun paano biyong tatapuson nin Diyos an diskriminasyon.”

Awake! Hunyo

“Gusto ming hagadon an opinyon nindo sa sarong bagay. Normal sanang magmawot nin marahay na buhay. Sa paghuna nindo makukua ta daw iyan paagi sa pagbakal nin dakul na materyal na bagay? [Pasimbagon.] Hilinga an mahalagang sinabing ini ni Jesus. [Basahon an Lucas 12:15.] Ipinapahiling kan magasin na ini an timbang na pagmansay sa materyal na mga bagay asin nagtatao nin makakatabang na mga suhestiyon kun paano kita magigin maingat sa paggastos.”