Iskedyul sa Pagtiripon sa Paglilingkod

Pasabot: An Satong Ministeryo sa Kahadean maiskedyul nin Pagtiripon sa Paglilingkod para sa kada semana durante kan mga bulan nin kombension. Puedeng gumibo nin pagliliwat an mga kongregasyon kun kaipuhan tangani na matawan nin lugar an pag-atender sa “Diosnon na Pagkuyog” na Pandistritong Kombension. Kun saen angay, gumamit nin 15 minutos sa huring Pagtiripon sa Paglilingkod bago umatender sa kombension tangani na otrohon an hatol asin mga pagirumdom hale sa suplemento ngonyan na bulan na aplikado sa lokal. Saro o duwang bulan pakalihis kan kombension nindo, magtagama nin 15 sagkod 20 minutos sa Pagtiripon sa Paglilingkod (na tibaad ginagamit an kabtang na lokal na mga pangangaipo) para sa repaso kan mga tampok na kabtang kan kombension. Bilang preparasyon sa repasong ini, kita gabos maninigong kumua nin mga nota sa espesipikong mga punto na boot niatong iaplikar sa satong ministeryo sa langtad.

Semana nin Oktubre 10

Kanta 17

10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 8 tangani na idemonstrar kun paano iaatubang an Torrengbantayan na Oktubre 15 asin an Awake! na Oktubre 22.

15 min: Likayan an mga Peligro sa Internet. Pahayag nin sarong magurang sa kongregasyon basado sa Awake! na Disyembre 8, 2004, pahina 18-21.

20 min: “Padagos na Magtaram kan Tataramon nin Dios na May Pagkapusoan.”a Imbitaran an mga nagdadangog na magkomento manongod sa mga situwasyon kun saen puedeng depisil na magkaigwa nin pagkapusoan na kaipuhan tangani na makapatotoo. Ano an nakatabang sainda na gibohon iyan?

Kanta 78 asin pantapos na pamibi.

Semana nin Oktubre 17

Kanta 36

10 min: Lokal na mga paisi. Ginagamit an kabtang 3 kan suplemento kan An Satong Ministeryo sa Kahadean na Setyembre 2005, repasohon an saro o duwang punto kun paano epektibong gagamiton an Kasuratan kun nagkokondukta nin mga pag-adal sa Biblia.

15 min: “Sarong Espesyal na Pagparinigonan nin Boot.” Sarong pahayag. Dagkahon an gabos na umatender sa gabos na sesyon kan kombension, poon Biernes na aga sagkod Domingong hapon.

20 min: “Magpaheling nin Personal na Interes—⁠Paagi sa Pagigin Maboot.”b Hapoton an mga nagdadangog kun paano kita makakapaheling nin kabootan sa iba kun nakikikabtang sa ministeryo sa langtad. An iba pang aspekto kan pagpaheling nin personal na interes sa mga hinuhulitan niato totokaron sa maabot na mga isyu kan An Satong Ministeryo sa Kahadean.

Kanta 2 asin pantapos na pamibi.

Semana nin Oktubre 24

Kanta 68

15 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an saro sa isinuherir na mga pag-atubang sa suplemento kan An Satong Ministeryo sa Kahadean na Enero 2005, idemonstrar kun paano iaatubang an alok sa Nobyembre.—⁠Helingon An Satong Ministeryo sa Kahadean na Enero 2005, p. 8, par. 5.

30 min: “Pamurawayon si Jehova sa Dakulang Kongregasyon.”c Papangenotan kan sekretaryo kan kongregasyon. Tokaron an mga parapong may numero kapareho kan Pag-adal sa Torrengbantayan. Ipabasa an mga parapo sa sarong iinasignar na parabasa. Repasohon an kahon na “Mga Pagirumdom sa Pandistritong Kombension.”

Kanta 153 asin pantapos na pamibi.

Semana nin Oktubre 31

Kanta 209

10 min: Lokal na mga paisi. Ipagirumdom sa mga parahayag na itao an report nin paglilingkod sa langtad para sa Oktubre. Ginagamit an mga suhestion na nasa pahina 8, idemonstrar kun paano iaatubang an Torrengbantayan na Nobyembre 1 asin an Awake! na Nobyembre 8.

15 min: Gamiton an Ruta sa Magasin sa Pagkultibar nin Interes. Pahayag asin pakikipag-olay sa mga nagdadangog basado sa An Satong Ministeryo sa Kahadean na Mayo 2005, pahina 8. Paano kita makakapoon nin ruta sa magasin? (par. 1) Paano kita makakapag-andam nin sunod-sunod na mga pakikipag-olay na saro sanang teksto an ginagamit? (par. 3) Taano ta bako sanang pagbasa kan piniling teksto an kaipuhan niatong gibohon? (par. 4) Paano magigin sarong pag-adal sa Biblia an sarong ruta sa magasin? (par. 5) Iiba an sarong demonstrasyon nin sarong parahayag na nakikipag-olay sa saro niang ruta sa magasin na saro sanang teksto an ginagamit.

20 min: Mga Hoben na Marigon Alagad Magalang. Pahayag nin sarong magurang sa kongregasyon basado sa Watchtower na Setyembre 15, 2002, pahina 23-4, sa irarom kan subtemang “Refrain Respectfully.” Iareglo nin patienot an saro o duwang hoben na magkomento dapit sa mga problema na napaatubang sa sainda sa eskuelahan asin kun ano an nakatabang sainda na mapangganahan ini.

Kanta 222 asin pantapos na pamibi.

Semana nin Nobyembre 7

Kanta 39

5 min: Lokal na mga paisi.

20 min: Paoswagon an Saindong Konsentrasyon sa mga Pagtiripon. Pahayag asin pakikipag-olay sa mga nagdadangog basado sa Torrengbantayan na Setyembre 15, 2002, pahina 12-14, parapo 11-14.

20 min: “Pataluboon an Abilidad sa Pangangatanosan sa Iba.”d Imbitaran an piniling mga parahayag na isaysay kun paano ninda nahimong mangatanosan sa mga tawo na manlaenlaen an pinaghalean sa lokal na teritoryo.

Kanta 50 asin pantapos na pamibi.

[Mga Nota sa Ibaba]