Iskedyul sa Pagtiripon sa Paglilingkod

Semana nin Abril 10

Kanta 49

10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Abril 15 asin an Awake! na Abril. Sa sarong demonstrasyon, iaalok man kan parahayag an librong Itinotokdo kan Biblia sa sarong kagharong na nagpapaheling nin pambihirang interes sa mensahe kan Biblia.

20 min: “Magin ‘Maigot sa Marahay na mga Gibo’ Ngonyan na Abril!” Pahayag kan Paraataman sa Paglilingkod na may partisipasyon an mga nagdadangog. Enkaminaron an kualipikadong mga inaadalan sa Biblia na makikabtang ngonyan na espesyal na bulan na ini nin aktibidad. An mga dai pa nakakapakikabtang sa paglilingkod sa langtad maninigong tabangan asin enkaminaron tanganing an gabos makapakikabtang bago matapos an Abril.

15 min: “Puede daw Nindong Ibagay an Saindong Iskedyul?”a Iaplikar sa lokal an materyales. Sambiton an ano man na mga areglo kan kongregasyon para sa paghuhulit sa banggi.

Kanta 13 asin pantapos na pamibi.

Semana nin Abril 17

Kanta 104

15 min: Lokal na mga paisi. Repasohon an mga punto sa “Hapot.” Idoon an lokal na mga areglo para sa espesyal na pampublikong pahayag. Enkaminaron an gabos na ipadagos an paggamit kan likod na pahina kan isyu kan An Torrengbantayan na Abril 1 sa pag-imbitar sa mga nag-aatender sa Memorial, inaadalan sa Biblia, asin iba pang interesado. Isaysay sa halipot an duwa o tolong eksperyensia sa paggamit kan isyung ini kan An Torrengbantayan sa pag-imbitar sa mga tawo na umatender sa espesyal na pampublikong pahayag.

12 min: Lokal na mga pangangaipo.

18 min: “Magkondukta nin Progresibong mga Pag-adal sa Biblia sa May Pinto Asin Paagi sa Telepono.”b Iiba an sarong halipot na demonstrasyon na nagpapaheling kun ano an puedeng sabihon nin sarong parahayag tanganing ibalyo sa laog kan harong an pag-adal sa may pinto.

Kanta 162 asin pantapos na pamibi.

Semana nin Abril 24

Kanta 66

15 min: Lokal na mga paisi. Basahon an report sa kuenta asin mga pasasalamat sa donasyon. Sa Mayo padagos niatong itatampok An Torrengbantayan asin Awake! Ginagamit an mga suhestion sa pahina 8 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Mayo 1 asin an Awake! na Mayo. Pagkatapos kan mga demonstrasyon, darahon an atension sa iba pang artikulo sa mga isyung iyan na puedeng magin interesante sa mga tawo sa lokal na teritoryo.

15 min: “Kun Paano Papagdadanayon an Kaigotan.”c Iiba an mga komento basado sa Torrengbantayan na Hunyo 15, 2002, pahina 14, parapo 13.

15 min: May Marahay daw Kamong Ugale sa Pagbasa? Pakikipag-olay sa mga nagdadangog basado sa piniling mga kabtang sa librong Paadalan sa Pagmiministro, pahina 22-6. Ano an puedeng iiba sa satong programa sa pagbasa? (kahon sa p. 21) Taano ta importante na basahon niato an itinataong mga publikasyon? (p. 23, par. 2) Ano an liabe sa pagpapadanay nin marahay na programa sa pagbasa? (p. 26, par. 3-4) Paano kamo nagtatagama nin panahon sa pagbasa kan mga magasin na Torrengbantayan asin Awake! Paano kamo nakinabang digdi?

Kanta 191 asin pantapos na pamibi.

Semana nin Mayo 1

Kanta 211

10 min: Lokal na mga paisi. Pagirumdomon an mga parahayag na itao an report sa paglilingkod sa langtad para sa Abril. Tokaron an kahon sa pahina 6, “Naghahagad daw Kamo nin mga Referral?” Sagkod na may oras, imbitaran an mga nagdadangog na magkomento manongod sa mga pag-adal sa Biblia na naponan sa paaging ini.

15 min: “Magpaheling nin Personal na Interes—Paagi sa Pagpapadanay nin Epektibong Mata sa Matang Kontak.”d Iiba an sarong halipot na demonstrasyon na dian an sarong parahayag nakapag-establisar nin mata sa matang kontak sa sarong tawo sa pampublikong lugar, nakapoon nin pakikipag-olay, dangan nakapagpatotoo.

20 min: Horophoropon an Manongod sa Aktibidad ni Jehova. (Sal. 77:12) Pahayag asin pakikipag-olay sa mga nagdadangog na itinatampok an 2006 Yearbook. Tokaron an nakakaparigon na mga punto sa surat kan Namamahalang Grupo. (p. 3-5) Pag-olayan an materyales sa irarom kan subtemang “Bible Translation.” (p. 10-11) Isaysay an nagkapira sa mga tampok na kabtang asin eksperyensia kan nakaaging taon. (p. 6-64) Imbitaran an mga nagdadangog na komentohan an mga punto na inapresyar ninda sa saindang pagbasa kan 2006 Yearbook. Enkaminaron an gabos na gamiton iyan sa pagtabang sa mga inaadalan sa Biblia na pataluboon an apresasyon sa organisasyon ni Jehova.

Kanta 82 asin pantapos na pamibi.

[Mga Nota sa Ibaba]