Iskedyul sa Pagtiripon sa Paglilingkod

Semana nin Hunyo 9

Kanta 121

10 min: Lokal na mga paisi. Ginagamit an mga suhestion na nasa pahina 4 o iba pang presentasyon na angay sa saindong teritoryo, idemonstrar kun paano iaalok an Watchtower na Hunyo 1 asin an Awake! na Hunyo.

20 min: Kun Paano Maandam Para sa Pagkondukta nin Pag-adal sa Biblia. Pahayag basado sa An Satong Ministeryo sa Kahadean na Agosto 2004, pahina 1. Sa katapusan kan pagtokar, magkaigwa nin demonstrasyon nin sarong parahayag na tolos-tolos na nagmamaigot na mag-andam para sa pagkondukta nin pag-adal sa Biblia. Dangan magkaigwa nin saro pang parahayag na nag-aandam paagi sa pag-estudyar sa nagkapira sa mga suhestion na iprinesentar sa An Satong Ministeryo sa Kahadean.

15 min: “Maghulit na Daing Ontok.”a Kun may oras pa, imbitaran an mga nagdadangog na komentohan an sitadong mga teksto.

Kanta 201

Semana nin Hunyo 16

Kanta 90

10 min: Lokal na mga paisi. Piniling Mga Paisi sa An Satong Ministeryo sa Kahadean. Pagirumdomon an mga nagdadangog na darahon an Torrengbantayan na Hulyo–Setyembre asin an Awake! na Hulyo sa Pagtiripon sa Paglilingkod sa masunod na semana asin na mag-andam na pag-olayan an angay na mga presentasyon na pinaplano nindang gamiton.

15 min: Idoon an Praktikal na Halaga kan Maogmang Bareta. Pahayag asin pakikipag-olay sa mga nagdadangog basado sa librong Paadalan sa Pagmiministro, pahina 159. Imbitaran an mga nagdadangog na magkomento manongod sa mga isyu na pinagkakainteresan ngonyan nin mga tawo sa lokal na teritoryo. Maghagad nin mga suhestion kun paano niato puedeng tawan nin atension an siring na mga isyu sa satong mga presentasyon.

20 min: “Nag-aandam daw an Saindong Pamilya Para sa Kaligtasan?”b Kun may oras pa, imbitaran an mga nagdadangog na komentohan an sitadong mga teksto.

Kanta 54

Semana nin Hunyo 23

Kanta 140

10 min: Lokal na mga paisi. Basahon an report sa kuenta asin mga pasasalamat sa donasyon. Sambiton an alok sa Hulyo, asin ipademonstrar an sarong presentasyon.

20 min: Buhay na Pinaoswag an Kualidad Paagi sa Pagregular Payunir. Pahayag basado sa Torrengbantayan na Enero 15, 2008, pahina 17-19. Kun igwa, puedeng interbiohon an duwang regular payunir, an saro na bagohan asin an saro na dakol na taon nang naglilingkod. Ipasaysay sa sainda kun paano napaoswag an kualidad kan saindang buhay paagi sa mahalagang marhay na klaseng ini nin paglilingkod.

15 min: Mag-andam sa Pag-alok kan Bagong mga Magasin. Pakikipag-olay sa mga nagdadangog. Pakatapos na magtao nin halipot na sumaryo kan Torrengbantayan na Hulyo–Setyembre asin Awake! na Hulyo, hapoton an mga nagdadangog kun arin na mga artikulo an puedeng magustohan kan mga tawo sa lokal na teritoryo asin kun taano. Imbitaran an mga nagdadangog na magsambit nin espesipikong mga punto sa mga artikulo na pinaplano nindang itampok. Ano an puedeng ihapot tanganing makapoon nin pag-oolay? Arin na teksto sa artikulo an puedeng basahon sa panahon na iyan? Ginagamit an sampol na mga presentasyon sa An Satong Ministeryo sa Kahadean o an sarong presentasyon na isinuherir kan mga nagdadangog, idemonstrar kun paano puedeng ialok an lambang magasin.

Kanta 82

Semana nin Hunyo 30

Kanta 97

10 min: Lokal na mga paisi. Pagirumdomon an gabos na itao an report nin paglilingkod sa langtad para sa Hunyo.

20 min: Kun Paano Papaoswagon an Satong Abilidad sa Pakikipag-olay. Pahayag asin pakikipag-olay sa mga nagdadangog basado sa librong Paadalan sa Pagmiministro, poon sa pahina 62, parapo 4, sagkod sa katapusan kan pahina 64. Ibagay an impormasyon sa lokal na teritoryo. Interbiohon nin halipot sana an sarong parahayag na midbid sa saiyang abilidad na engganyaron an mga tawo na makipag-olay sa saiya kun naghuhulit sa harong-harong o kun nagpapatotoo nin impormal.

15 min: Nagigirumdoman daw Nindo? Pakikipag-olay sa mga nagdadangog basado sa Torrengbantayan na Abril 15, 2008, pahina 29.

Kanta 179

Semana nin Hulyo 7

Kanta 125

10 min: Lokal na mga paisi.

15 min: Lokal na mga pangangaipo.

20 min: “Kun Iba an Lenguahe nin Kagharong.”c Pangengenotan kan paraataman sa paglilingkod. Kun pinag-oolayan an parapo 2, sabihon sa kongregasyon an manlaenlaen na grupo o kongregasyon nin magkakalenguahe na naghuhulit sa iyo man sanang lugar na hinuhulitan kan kongregasyon. Sabihon an ano man na espesipikong mga areglong ginibo tanganing tabangan an kalabot na mga grupo o kongregasyon nin magkakalenguahe na makikooperar sa paghuhulit.

Kanta 188

[Nota sa Ibaba]