Ano an Gigibuhon Mo Pag Piyesta Opisyal?

Huling dakul an nasa harong pag may relihiyosong kapiyestahan asin mga okasyon na pigseselebrar sa nasyon, sa parati marahay ining pagkakataon na makikabtang sa ministeryo. Dinadagka an mga kongregasyon na gumibo nin espesyal na mga areglo para sa pagpapatotoo sa mga panahon nin piyesta opisyal. Kun dakul sa teritoryo an dai mamarata nin amay, marahay na liwaton an oras kan pagtiripon bago maglingkod sa langtad. Sa Pagtiripon sa Paglilingkod, puwedeng ipaisi sa kongregasyon an ano man na espesyal na areglo para sa pagpapatotoo sa panahon nin piyesta opisyal, asin dagkahon an gabos na puwedeng makikabtang. Siyempre, an mga piyesta opisyal nagtatao man nin panahon na makapahingalo kita o asikasuhon an personal na mga bagay. Pero taano ta dai magtagama nin panahon para sa ministeryo sa aldaw na iyan? Kun gigibuhon mo iyan, mamamatian mo an kaugmahan na resulta nin pakikikabtang sa sagradong paglilingkod.—Mat. 11:29, 30.