“Nagdigdi Po Ako Huli ta . . .”

Pag binuksan kan kagharong an saindang pinto asin nahiling kita na nakatindog sa luwas, tibaad magngalas sinda kun siisay kita saka kun ano an tuyo ta. Ano an puwede tang sabihon sa satong introduksiyon tanganing magin pamugtak sinda? Pagkasabi kan nakaugalian nang pagbati, may mga parahayag na naggagamit kan tataramon na “huli ta” tanganing magpaliwanag. Halimbawa, arog kaini an sinasabi ninda: “Nagdalaw po kami huli ta dakul ngunyan an nahahadit sa mga nangyayaring krimen. Sa paghuna nindo . . .” o “Nagdigdi po ako huli ta gusto kong mag-alok nin daing bayad na pag-adal sa Bibliya.” Kun sa kapinunan pa sana aram na ninda kun taano ta nagdalaw kamo, mas andam sindang magdangog sa kun ano an sasabihon nindo.