Pagpauswag kan Satong Kakayahan sa Ministeryo​—Paghanda kan Satong Inot na mga Sasabihon

Kun Taano ta Mahalaga: Kun an satong introduksiyon dai nakakapukaw nin interes, tibaad tapuson tulos kan kagharong an pag-uulay bago pa kita makapagpatotoo sa saiya. Kun siring, para sa dakul na parahayag an inot nindang sasabihon iyo an pinakaimportanteng parte kan saindang presentasyon. May sampol na mga presentasyon sa An Satong Ministeryo sa Kahadian asin sa librong Reasoning, pero bako man pirming kumpleto an mga introduksiyon kaiyan tanganing maibagay ta sa kamugtakan. Dawa pa kumpleto an sampol na presentasyon, puwede iyan liwaton kan mga parahayag o maggibo nin sadiri kun gusto ninda. Kaya, magigin mas epektibo kita kun paghahandaan tang marhay an satong inot na mga sasabihon imbes na basta sana sabihon kun ano an maisip pag kaulay na an kagharong.​—Tal. 15:28.