Gamiton an jw.org sa Saimong Ministeryo

An satong Web site sarong mahalagang pantabang para ikapaabot an maugmang bareta ‘sagkod sa kapuro-puruhi kan daga.’ (Gui. 1:8) Kadaklan sa kagharong daing ideya sa jw.org. Naaaraman sana ninda iyan pakatapos na may magtukdo sa sainda na sarong parahayag.

Sarong nagbibiyaheng paraataman an nag-download sa cellphone niya kan videong Ta’no ta Kaipuhan Mag-adal nin Bibliya? asin ipinapahiling niya ini sa iba kada may pagkakataon. Halimbawa pag naghaharong-harong, sinasabi niya: “May halipot kaming pagdalaw para tabangan an mga tawo na makua an simbag sa tulong importanteng hapot: Ta’no ta kadakul nin problema sa kinaban? Paano iyan sosolusyunan nin Diyos sa maabot na panahon? Sa ngunyan, paano ta iyan makakayanan? May sinasabi an halipot na videong ini manungod sa mga hapot na iyan.” Dangan, pini-play niya an video saka pighihiling an reaksiyon kan kagharong. Interesanteng marhay an video kaya kadaklan kan mga tawo pighihiling iyan sagkod na matapos. Dangan, sinasabi kan nagbibiyaheng paraataman: “Arog kan nadangog nindo, puwede kamong mag-request online nin pag-adal sa Bibliya. Pero dahil yaon man ako, puwede ko iyan idemonstrar sa saindo nin madali sana.” Kun mag-uyon an kagharong, idinedemonstrar niya an pag-adal sa Bibliya gamit an brosyur na Maogmang Bareta. Kun sibot an kagharong, iinaareglo niya na gibuhon iyan sa sunod na pagdalaw. Pag naglalaog siya sa sarong coffee shop para magmeryenda, haros arog man kaiyan an sinasabi niya pagkatapos na makipag-amigo sa kataid niya. Ginagamit mo daw an jw.org sa saimong ministeryo?