“Dai Kamo Nuarin Man Maghadit”

Tinabangan ni Jehova an mga tios kaidto sa Israel. Paano niya ngunyan tinatabangan an mga tios na lingkod niya?

• Tinutukduan niya sinda na magkaigwa nin tamang pagmansay sa kuwarta.—Lu 12:15; 1Ti 6:6-8

• Tinatabangan niya sinda na dai magin hababa an paghiling sa sadiri.—Job 34:19

• Tinutukduan niya sinda na magin mahigos saka maglikay sa mga bisyo.—Tal 14:23; 20:1; 2Co 7:1

• Tinawan niya sinda nin Kristiyanong mga tugang na nagkakasararo asin may pagkamuot sa lambang saro.—Ju 13:35; 1Ju 3:17, 18

• Tinawan niya sinda nin paglaom.—Sal 9:18; Isa 65:21-23

Gurano man kasakit an agihan tang sitwasyon, dai ta kaipuhan mahadit. Itatao ni Jehova an mga pangangaipo ta sa materyal basta iniinot ta an saiyang Kahadian.—Mat 6:31-33.

HILINGON AN VIDEO NA AN PAGKAMUOT DAI NUARIN MAN MAWAWARA SA IBONG NIN . . . PAGTIOS—CONGO, DANGAN SIMBAGON AN MINASUNOD NA MGA HAPOT:

• 

  Paano ipinahiling kan mga tugang na nakaistar harani sa lugar kan pangrehiyon na kumbensiyon an pagkamuot asin pagigin mapagpadagos sa mga tugang na nagbiyahe nin harayo para sa kumbensiyon?

• 

  Ano an manunudan ta sa video manungod sa pagkamuot ni Jehova sa mga tios?

• 

  Paano ta maaarog si Jehova dakul man o dikit an igwa kita?