Kontrulon an Saimong mga Pagmawot

Bilang bakong perpektong mga tawo, kaipuhan tang padagos na hinguwahon na kontrulon an satong mga pagmawot. Kun gigibuhon ta an ano man na gusto ta, puwede tang maiwara an pag-uyon ni Jehova. Halimbawa, mas nagigin panginot sa nagkapira an pagmawot ninda sa pagkakan, bado, asin istaran kisa sa pagkamuot ninda sa Diyos. Binabalga kan iba an mga pamantayan nin Diyos para mapaniguan an saindang seksuwal na pagmawot. (Ro 1:26, 27) An iba man nagpapadara sa mga panggigipit nin kairiba dahil sa pagmawot na magustuhan o akuon sinda kan iba.—Ex 23:2.

Paano niyato makokontrol an satong mga pagmawot? Dapat tang gibuhon an satong pinakamakakaya na magpokus sa espirituwal na mga bagay. (Mat 4:4) Dapat man kitang makimahirak ki Jehova na tabangan kitang makontrol an satong mga pagmawot. Taano? Huling aram niya an pinakamarahay para sa sato asin aram niya kun paano mapapaniguan an satong tamang mga pagmawot.—Sal 145:16.

HILINGON AN VIDEO NA DAI PAGSAYANGON AN BUHAY MO SA PAGSIGARILYO, DANGAN SIMBAGON AN MINASUNOD NA MGA HAPOT:

• 

  Taano ta nagsisigarilyo an iba?

• 

  Ano an puwedeng magin epekto saimo kan pagsigarilyo?

• 

  Taano ta sala an pagsigarilyo asin pag-vape?—2Co 7:1

• 

  Paano mo masasayumahan an pagsigarilyo o mapundo pa ngani an bisyong iyan?