Pagdrowing—Nakakatabang sa Memorya

Arog kan dakul sa sato, tibaad nadidipisilan kang magirumduman an mga pinag-aadalan mo. Alagad, narisa mo daw na madali mo lang na nagigirumduman an mga ilustrasyon ni Jesus? Nailaladawan mo kaya an mga iyan sa saimong isip, na nakakatabang na magirumduman mo an mga iyan. Sa kaagid na paagi, mas dakul kang magigirumduman sa mga pinag-aadalan mo kun ilaladawan mo iyan sa saimong isip. Paano? Paagi sa pagdrowing mantang nag-aadal ka.

An mga tawong idinodrowing an bagong mga bagay na nanunudan ninda sa parati mas nagigirumduman an mga iyan. Nahiling nindang epektibo ini bako lang sa mga tataramon kundi pati man sa mga ideya asin konsepto. An mga drowing ninda bako man na mga obra maestra, kundi simpleng mga drowing na madali sanang ginibo. Asin sigun sa mga ebidensiya, partikular nang makikinabang digdi an mga may edad na.

Sa sunod na pag-adal mo, ano ta dai purbaran na gumibo nin mga drowing kan mga nanunudan mo. Tibaad masurpresa ka sa kun gurano kadakul kan magigirumduman mo!