Taano ta “Propaganda”?

Kan 1622, si Papa Gregory XV nag-establisar nin kongregasyon, o komite, nin 13 kardinal, 2 prelado, asin sarong sekretaryo tanganing pangatamanan an mga misyonero kan Iglesya Katolika Romana. Inapod nia iyan na Congregatio de Propaganda Fide​—an Kongregasyon Para sa Pagpalakop kan Pagtubod—​o Propaganda sa halipot. Pag-abot kan panahon an tataramon na ini nangahulogan nin ano man na paghingoa na ilakop an mga ideya o paniniwala tanganing makagibo nin mga proselita.

Ngonyan, an “propaganda” parateng asosyado sa pagbiribid kan mga katunayan, an bakong sadiosan na pag-impluwensia sa isip kan mga tawo, siring halimbawa sa panahon nin guerra. Pero an ibang autoridad naghohona na maski an pinakamarahay na pag-anunsio makatanosan na ikalaladawan bilang propaganda, nangorogna kun kalabot dian an pangongombensir. Nagkomento an The World Book Encyclopedia: “An mga edukador sa demokratikong mga sosyedad nagtotokdo sa mga tawo kun paano mag-isip, pero an mga propagandista nagsasabi sainda kun ano an iisipon.”