KABTANG 7

Siisay si Jesus?

Isinugo ni Jehova si Jesus sa daga. 1 Juan 4:9

Si Jesus na nasa may tuong kamot nin Diyos sa langit

Kun gusto tang mapaugma si Jehova, dapat kitang magdangog sa saro pang mahalagang persona. Haloy pa bago lalangon si Adan, naglalang si Jehova nin sarong makapangyarihan na espiritung persona sa kalangitan.

Si Maria kan bados pa asin kan ipangaki na si Jesus

Pag-abot nin panahon, pinangyari ni Jehova na ipangaki ini sa Betlehem kan birhen na si Maria. Jesus an ipinangaran sa aking iyan.—Juan 6:38.

Si Jesus na nagtutukdo manungod ki Jehova

Bilang tawo sa daga, perpektong ipinahiling ni Jesus an mga kuwalidad nin Diyos. Mabuot siya, mamumuton, saka madaling dulukon. Daing takot niyang itinukdo sa iba an katotoohan manungod ki Jehova.

Naggibo nin marahay si Jesus pero dakul an naungis sa saiya. 1 Pedro 2:21-24

Si Jesus kan buhayon niya an aking babayi asin paumayan an sarong lalaking may hilang

Naanggot ki Jesus an mga lider nin relihiyon huling ibinuyagyag niya an saindang salang mga katukduan asin maraot na mga gibo.

Pinaumayan man ni Jesus an mga may hilang saka binuhay an nagkapirang gadan.

Kinumbinsir kan mga lider nin relihiyon an mga Romano na hampakon asin gadanon si Jesus.