KABTANG 9

Nuarin Maabot an Paraiso?

An kariribukan sa daga patunay na madali nang humiro an Kahadian nin Diyos. Lucas 21:10, 11; 2 Timoteo 3:1-5

Maraot na mga bagay na mangyayari sa huring mga aldaw—pagsugal, giyera, hilang, kakulangan nin kakanon, pagigin masinuway sa mga magurang, asin kadahasan sa pamilya

Ihinula kan Bibliya an dakul sa mga nangyayari ngunyan. Sinabi kaiyan na an mga tawo magigin mamumuton sa kuwarta, masinuway sa mga magurang, maringis, saka mahilig magpasiram-siram.

Magkakaigwa nin makusog na mga linog, mga giyera, kakulangan nin kakanon, asin lakop na hilang. Nangyayari na iyan ngunyan.

Sarong Saksi ni Jehova na naghuhulit kan maugmang bareta kan Kahadian sa sarong lalaki

Sinabi man ni Jesus na ihuhulit sa bilog na daga an maugmang bareta manungod sa Kahadian.—Mateo 24:14.

Hahalion kan Kahadian an gabos na karatan. 2 Pedro 3:13

Paparaon an mga maraot sa Armagedon, dangan papadusahan si Satanas asin an saiyang mga demonyo

Madali nang paraon ni Jehova an gabos na maraot.

Papadusahan si Satanas asin an mga demonyo.

Si Jesus na nakatukaw sa saiyang trono sa langit asin mga tawo na manlain-lain an rasa na nag-uurugma

An mga nagdadangog sa Diyos makakaligtas pasiring sa sarong matanos na bagong kinaban, na diyan mayo nang takot asin an mga tawo may tiwala saka pagkamuot sa lambang saro.