An Buhay Asin Kapanahunan ni Ezekiel

An Ezekiel nangangahulugan na “An Diyos Nagpapakusog.” Dakul an patanid sa mga propesiya niya, pero an kabilugan kan saiyang mensahe kauyon kan kahulugan kan saiyang pangaran asin nagpapakusog sa pagtubod kan mga gustong magtao sa Diyos nin dalisay na pagsamba.

MGA KAKONTEMPORANYONG PROPETA

• 

  JEREMIAS

  Hali sa sarong pamilya nin mga saserdote; haloy na naglingkod sa Jerusalem (647-580 B.C.E.)

• 

  HULDA

  Sarong propetisa kan manumpungan an libro kan Katugunan sa templo kan mga 642 B.C.E.

• 

  DANIEL

  Hali sa tribo ni Juda (na diyan hali an mga hadi); dinara sa Babilonya kan 617 B.C.E.

• 

  HABAKUK

  Sarong propeta sa Juda na posibleng nagpuon na maglingkod sa kapinunan kan paghadi ni Jehoiakim

• 

  OBADIAS

  Nagpropesiya laban sa Edom posibleng kan panahon na laglagon an Jerusalem

KASUARIN SINDA NAGPROPESIYA? (B.C.E. AN GABOS NA PETSA)

MAHAHALAGANG PANGYAYARI SA BUHAY NI EZEKIEL (B.C.E. AN GABOS NA PETSA)

1. mga 643: Ipinangaki

2. 617: Dinarang bihag sa Babilonya

3. 613: Nagpuon na magpropesiya; nahiling an bisyon manungod ki Jehova

4. 612: Nahiling an bisyon manungod sa apostasya sa templo

5. 611: Pinunan na kondenaron an Jerusalem

6. 609: Nagadan an agom; nagpuon an huring pagsalikop sa Jerusalem

7. 607: Nakumpirmar na gaba na an Jerusalem

8. 593: Nahiling an bisyon manungod sa templo

9. 591: Ihinula an pagsalakay ni Nabucodonosor sa Ehipto; natapos an pagsurat

MGA HADI KAN JUDA ASIN BABILONYA

1. 659-629: Sinuportaran ni Josias an dalisay na pagsamba, pero nagadan siya kan makilaban ki Faraon Neco

2. 628: Namahala nin tulong bulan an maraot na hading si Jehoahaz asin nabihag ni Faraon Neco

3. 628-618: Namahala an maraot na hading si Jehoiakim; ginibong basalyo ni Faraon Neco

4. 625: Nadaog ni Nabucodonosor an hukbo kan Ehipto

5. 620: Inot na pagsalakay ni Nabucodonosor sa Juda; ginibong basalyo sa Jerusalem si Jehoiakim

6. 618: Nagrebelde si Jehoiakim ki Nabucodonosor pero posibleng marhay na nagadan durante kan ikaduwang pagsalakay kan mga Babilonyo sa Dagang Panuga

7. 617: Namahala nin tulong bulan an maraot na hading si Jehoiakin, na inaapod man na Jeconias, dangan nagsuko ki Nabucodonosor

8. 617-607: Ginibong basalyo ni Nabucodonosor si Zedekias, sarong maraot na hadi na natatakot sa tawo

9. 609: Nagrebelde si Zedekias ki Nabucodonosor, na nagsalakay giraray sa Juda sa ikatulong pagkakataon

10. 607: Ginaraba ni Nabucodonosor an Jerusalem; binihag niya si Zedekias, binuta ini, dangan dinara sa Babilonya