LEKSIYON 17

Madaling Maintindihan

1 Corinto 14:9

SUMARYO: Tabangan an mga nagdadangog na masabutan an kahulugan kan saimong mensahe.

Pag-adalan na marhay an ipepresentar mong impormasyon. Sabuton na marhay an saimong tema tanganing maipaliwanag mo iyan nin simple asin sa sadiri mong tataramon.
Gumamit nin haralipot na sentence asin simpleng mga tataramon. Maski ngani puwede man an haralabang sentence, sabihon an panginot na mga punto sa malinaw asin dikit sanang mga tataramon.

Halion an dai kinakaipuhan na mga detalye na puwedeng makaparibong sa mga nagdadangog asin madipisilan sindang intindihon an sinasabi mo. Mas marahay na gumamit nin simple kisa sa komplikadong mga pananaram.
Ipaliwanag an bakong pamilyar na mga termino. Kun posible, dai maggamit nin mga tataramon na bakong pamilyar sa mga nagdadangog. Kun may kaipuhan kang sambiton na bakong pamilyar na termino, karakter sa Bibliya, o suanoy na paagi nin pagsukol o kaugalian, magtao nin paliwanag.