PAGDALAW LIWAT
LEKSIYON 8
Pagigin Mapasensiya
Prinsipyo: “An pagkamuot mapasensiya.”—1 Cor. 13:4.
Kun Ano an Ginibo ni Jesus
1. Hilingon an VIDEO, o basahon an Juan 7:3-5 asin 1 Corinto 15:3, 4, 7. Dangan pag-isipan an minasunod na mga hapot:
Ano an inot na reaksiyon kan mga tugang ni Jesus sa saiyang mensahe?
Ano an nagpaparisa na dai nagpundo si Jesus sa pagtabang sa tugang niyang si Santiago?
Ano an Manunudan Ta ki Jesus?
2. Kaipuhan tang magin mapasensiya ta bakong gabos na tawo naghihimati tulos sa maugmang bareta.
Arugon si Jesus
3. Purbaran an ibang pamamaagi. Kun an sarong tawo dai tulos mag-ako nin pag-adal sa Bibliya, dai siya pagpiriton. Kun angay, gumamit nin mga video o mga artikulo para tabangan siyang masabutan kun paano ginigibo an pag-adal sa Bibliya asin kun paano siya makikinabang diyan.
4. Dai magkumparar. Iba-iba an lambang indibidwal. Kun an sarong kapamilya o dinadalaw liwat magduwa-duwa na akuon an pag-adal sa Bibliya o an sarong katukduan sa Bibliya, pag-isipan kun ano an posibleng dahilan. Igwa daw siya nin pinapahalagahan na marhay na relihiyosong paniniwala? Ginigipit daw siya nin mga kapamilya o mga kataraid? Tawan siya nin panahon na pag-isipan an sinabi mo saiya asin na pahalagahan an sinasabi kan Bibliya.
5. Ipamibi an sarong interesado. Hagadon ki Jehova na tabangan kang magdanay na positibo asin mataktika. Ipamibi na tawan ka nin pakamansay para maaraman mo kun nuarin ipupundo an pagdalaw sa saro na bako man talagang interesado.—1 Cor. 9:26.