Pagpahiling nin Interes

Kun Ano an Ginibo ni Jesus

VIDEO: Si Jesus Asin an Babayi sa May Bubon

1. Hilingon an VIDEO, o basahon an Juan 4:​6-9. Dangan pag-isipan an minasunod na mga hapot:

1. Ano an narisa ni Jesus sa babayi bago niya punan an pakikipag-ulay digdi?

2. Sinabi ni Jesus: “Painuma man ako.” Taano ta epektibong paagi ini para punan an pakikipag-ulay?

Ano an Manunudan Ta ki Jesus?

2. Mas posibleng magkaigwa kita nin magayon na pakikipag-ulay kun pupunan ta iyan sa tema na pinagkakainteresan kan kaulay ta.

Arugon si Jesus

3. Ibagay an pakikipag-ulay. Dai ipirit na ipakipag-ulay an tema na nasa isip mo. Punan an pakikipag-ulay sa tema na nasa isip kan kaulay mo. Haputon an sadiri:

1. ‘Ano daw an bareta ngunyan?’

2. ‘Ano daw an mga pinag-uulayan kan mga pagtaraid, katrabaho, o kaklase ko?’

4. Magin mapag-obserbar. Haputon an sadiri:

1. ‘Ano daw an ginigibo niya? Ano daw an posibleng iniisip niya?’

2. ‘Ano an ipinaparisa kan saiyang pagbado, itsura, o kan harong niya manungod sa saiyang mga paniniwala o kultura?’

3. ‘Ini daw an tamang oras para kaulayon siya?’

5. Magdangog.

1. Likayan na ika sana pirmi an nagtataram.

2. Dagkahon an kaulay na magtaram. Kun angay, maghapot.