Pagpauswag kan Satong Kakayahan sa Ministeryo​—Paggamit nin mga Video Para Magtukdo

KUN TAANO TA MAHALAGA:

An mga video nakakapahiro sa puso nin mga tawo huling dai sana ninda iyan nadadangog kundi nahihiling man, kaya nakukua kaiyan an atensiyon ninda. Makakatabang ini na mas magpokus sinda asin mas matandaan an mensahe kaiyan. Nagpahiling si Jehova nin marahay na halimbawa sa paggamit nin mga visual aid para magtukdo.—Gui 10:9-16; Kap 1:1.

An mga video na Igwa Daw nin Pangaran an Diyos?, Siisay an Awtor kan Bibliya?, asin Paano Kita Nakakasigurado na Totoo an Bibliya? mga pandagdag sa leksiyon 2 asin 3 kan brosyur na Maogmang Bareta. An mga video na Ta’no ta Kaipuhan Mag-adal nin Bibliya?, Paano Ginigibo an Pag-adal sa Bibliya?, asin Paano Ginigibo an Pagtiripon sa Kingdom Hall? nagdadagka sa mga indibidwal na makipag-adal sa sato nin Bibliya o mag-atender sa mga pagtiripon kan kongregasyon. May iba pa kitang mga video na puwede man na gamiton sa pagtutukdo sa satong mga tinutukduan sa Bibliya.—km 5/13 3.

KUN PAANO GIGIBUHON:

• I-download nguna an video na gusto mong ipahiling sa kagharong

• Maghanda nin saro o duwang hapot na masisimbag sa video

• Sabay nindong hilingon an video

• Pag-ulayan an panginot na mga punto

PURBARAN INI:

• Sa likod kan saro sa satong mga tract, itukdo sa kaulay mo an code na puwedeng i-scan para mahiling an video na Ta’no ta Kaipuhan Mag-adal nin Bibliya?

• Ipahiling an video na Paano Kita Nakakasigurado na Totoo an Bibliya? asin ialok an brosyur na Maogmang Bareta, na itinatampok an leksiyon 3