Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • w07 9/15 p. 3
  • Taano ta Tinotogotan nin Dios an Karatan?

Mayong video na available para digdi.

Sori, may error sa pag-load kan video.

  • Taano ta Tinotogotan nin Dios an Karatan?
  • An Torrengbantayan Nagpapahayag kan Kahadean ni Jehova—2007
  • Kaagid na Materyal
  • Taano ta Tinotogotan nin Dios an Pagsakit?
    Kaaraman na Minagiya Pasiring sa Buhay na Daing Katapusan
  • Karangahan sa Tamang Kaaraman Manongod sa Dios
    An Torrengbantayan Nagpapahayag kan Kahadean ni Jehova—2002
  • An Karatan Asin Pagsakit—Paano Iyan Matatapos?
    Magmata!—1988
  • Kun Taano ta Madali Nang Matapos an Gabos na Pagsakit
    An Torrengbantayan Nagpapahayag kan Kahadean ni Jehova—2007
An Torrengbantayan Nagpapahayag kan Kahadean ni Jehova—2007
w07 9/15 p. 3

Taano ta Tinotogotan nin Dios an Karatan?

MINSAN saen maheheling nindo na lakop an karatan asin pagsakit. Nagagadan an mga sibilyan saka an mga soldados huli sa mga guerra. Ordinaryo na sana an krimen asin kadahasan. Tibaad kasuarin pa sana nagin biktima kamo nin daing binabasaran na pagkaanggot o inhustisya. Huli sa naheling asin naeksperyensiahan nindo, posibleng marhay na naghapot kamo, ‘Taano ta tinotogotan nin Dios an karatan?’

Dakol na tawo an naghapot na man nin arog kaiyan. Mga 3,600 na taon na an nakaagi, an maimbod na lingkod nin Dios na si Job naghapot: “Taano ta an mga maraot padagos na nabubuhay?” (Job 21:7) Napupurisaw huli sa maraot na ginigibo kan saiyang mga kahimanwa, si propeta Jeremias kan ikapitong siglo B.C.E. naghapot: “Taano daw ta an dalan kan mga maraot iyo an nagigin mapanggana, asin gabos na naggigibo nin pagtraydor iyo pa an mga dai nahahadit?” (Jeremias 12:1) Aram ni Job sagkod ni Jeremias na an Dios matanos. Pero, nag-isip-isip sinda kun taano ta lakop na gayo an karatan. Tibaad iniisip-isip man nindo ini.

May mga tawo na binabasol an Dios huli sa karatan asin pagsakit. An iba nag-iisip-isip: ‘Kun an Dios makapangyarihan sa gabos, makatanosan, asin mamomoton, taano ta dai nia hinahale an karatan asin pagsakit? Taano ta tinotogotan nia na magpadagos an karatan sagkod sa panahon niato?’ Tinotokar kan masunod na artikulo an simbag sa mga ini asin sa iba pang mahalagang marhay na hapot.

[Picture Credit Line sa pahina 3]

AP Photo/Adam Butler

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share