Puwede daw Kamong Mag-auxiliary Payunir sa Nobyembre?
1 An Organized to Accomplish Our Ministry, pahina 114, nagsasabi: “Ano man an personal nindong kamugtakan, kun kamo bautisado, may marahay na kamugtakan sa moral, ikaaareglo na maabot an kahagadan na gumamit nin 60 oras kada bulan sa ministeryo sa langtad asin nagtutubod na puwede kamong maglingkod nin saro o labi pang bulan bilang auxiliary payunir, an kamagurangan kan kongregasyon maoogma na konsideraron an saindong aplikasyon para sa pribilehiyong ini nin paglilingkod.” Kaya an paglilingkod bilang auxiliary payunir puwedeng gibohon kan haros gabos na bautisadong parahayag. Matatawan daw nindo nin lugar an pribilehiyong ini sa Nobyembre?
2 Kan Nobyembre, 1986, 4,459 an nasa gibong pag-auxiliary payunir, na 5% kan total na parahayag. Bako daw na marahay kun kisuerra 10% an makapag-o-auxiliary payunir ngonyan na Nobyembre? Taano ta dai pagmaigotan an pasohan na ini sa saindong kongregasyon?
3 Dai magin alistong sabihon na dai kamo puwede. An gurang asin hoben—an iba marahay an salud asin an iba maluya an salud—nakikabtang sa pag-auxiliary payunir sa laog nin sarong bulan o labi pa. Iyan nagkakaipo nin pagsasakripisyo asin pagpapagal, alagad ta bawi man sa mga bendisyon na aakoon.—Luc. 13:24; 1 Cor. 9:16.
4 Nakatatabang na gumibo nin praktikal na iskedyul na matogot saindo na magpromedyo nin duwang oras sa paglilingkod kada aldaw. Seguradohon na idolok iyan ki Jehova sa pamibi, asin agdahon an iba na umiba sa saindo. Odok mi kamong inaagda na umiba sa dakol na ma-auxiliary payunir sa Nobyembre.