Hapot

● Noarin maninigo na magwalat nin libreng babasahon, asin paano ini maninigong gibohon?

Kun an saro interesado pero daing ikokontribuwir sa babasahon, puwede niatong tawan an tawo nin sarong pulyeto, daan na magasin, o tract. Tibaad an nagkapirang daan na mga magasin puwedeng iwaras nin libre kun nagsosongko sa mga nursing home asin ospital. Minsan siring, maninigong gamiton an marahay na paghusgar sa kun pira asin kun gurano kaparate na magwawalat nin magasin sa sarong lugar, mantang sa ibang lugar nagreklamo an mga namamahala na sobra kadakol kan mga natatada.

An ibang parahayag tibaad kun beses magwalat nin sarong daan na magasin sa tata kun mayo nin tawo sa harong. Minsan siring, kun kita basta na sana magwawalat nin mga magasin sa mga harong na daing tawo kada gibohon an teritoryo, tibaad isipon nin mga tawo na libre an mga magasin. Kaya marahay na gumamit nin marahay na paghusgar sa bagay na ini. Kun an kongregasyon nagkakaproblema ta sobra kadakol kan daan na magasin na iwinawalat kun an harong mayo nin tawo, puwedeng repasohon kan kamagurangan an bagay asin tumao nin mga suhestion na angay sa teritoryo asin sa ikararahay kan gibohon. Tibaad mas angay na magwalat nin mga tract kun mayo nin tawo sa harong.

Mantang an mga kinabanon na may maraot na motibo tibaad maghanap nin tanda sa luwas kun baga mayo nin tawo sa harong, an tract o daan na magasin na iwinalat sa tata maninigong ibugtak na dai naheheling.—Mat. 7:12.