An Satong Midbidan Bilang mga Saksi ni Jehova
Bilang mga ministro, kita midbid kan publiko bilang mga Saksi ni Jehova. An pakikikabtang niato sa ministeryo dai ginigibo huli sa pamimirit nin siisay man na tawo o organisasyon kundi sono sa itinaong sugo sato nin Dios na maghulit asin gumibo nin mga disipulo. (Mat. 24:14; 28:19, 20) Kun siring, marahay na likayan nin mga parahayag an pagsabi na sinda mga ahente o representante kan Watch Tower Society, o ano pa man na ibang korporasyon na ginagamit kan “maimbod asin madonong na oripon.”
Kun magkaproblema mantang naghuhulit sa mga apartment o kritikal na teritoryo, tibaad kaipuhan nin mga parahayag an sarong personal identification. Kun iimbestigaron, puwedeng gamiton nin bautisadong mga parahayag an identification card (S-65) na pirmado kan nangengenot na paraataman, na nagsasabi na an saro naghuhulit kan maogmang bareta kan Kahadean kaiba kan lokal na kongregasyon na sinasabi sa card.
An mga kongregasyon puwedeng pumedido nin suplay kan S-65 card sa Form Order Blank na ipapadara kaiba kan saindong statement of accounts sa Abril. Ini puwedeng itao sa bautisadong mga parahayag kun kaipuhan. Kun an siisay man na parahayag gumamit nin personal name card, dai ninda maninigong ibugtak dian na sinda mga representante kan Watch Tower Society.