Mga Probisyon na Makakatabang sa Sato na Lumikay sa Dugo
An bautisadong mga parahayag na nagllenar na nin Advance Medical Directive/Release card o Identity Card para sa 2003 dai na kaipuhan na magllenar nin bagong kard ngonyan na taon. Para sa Pagtiripon sa Paglilingkod sa semana nin Disyembre 29, maninigo na an sekretaryo magkaigwa nin supisyenteng suplay kan mga kard para sa bagong mabautismohan na mga parahayag, saindang mga aki, asin an mga nagkakaipong salidahan an kard ninda. Dai kaini mapadara sa mga kongregasyon. Kun mayo nin igong mga kard an kongregasyon, puedeng maghapot an sekretaryo sa kaharaning mga kongregasyon o maghagad nin dugang pang mga kard kaiba kan masunod na pedido sa literatura kan kongregasyon.
Maninigong llenaran nin maingat an mga kard sa harong alagad DAI pagpirmahan. Sa masunod na Pag-adal sa Libro kan Kongregasyon, maninigong pirmahan, testigohan, asin petsahan an mga kard, sa tabang kan paraataman sa pag-adal sa libro kun kaipuhan. An mga mapirma bilang testigo maninigong aktuwal na maheling na pinipirmahan kan kagsadiri an kard.
Paagi sa pag-adaptar kan lenguahe kan Advance Medical Directive/Release card asin Identity Card puedeng sumurat nin sadiri nindang directive an dai pa bautisadong mga parahayag asin an saindang mga aki.