Hapot

◼ Sairisay an maninigong mag-ako nin lapel badge card kan pandistritong kombension?

An mga lapel badge card kan kombension puedeng makatabang na marhay sa pagmidbid sa satong mga tugang asin sa pag-anunsio kan kombension. Minsan siring, dai iyan maninigong idistribwir sa kun kiisay na sana. Ipinamimidbid kaiyan an nakasulot kaiyan bilang may marahay na kamugtakan sa sarong partikular na kongregasyon kan Mga Saksi ni Jehova.

May espasyo an kard para sa ngaran kan indibiduwal siring man sa ngaran kan kongregasyon. Kun siring, an saro kaipuhan na asosyado sa rasonableng lawig nin panahon sa kongregasyon na nakasurat dian. Nagpapadara an Sosyedad nin suplay nin mga kard sa balang kongregasyon basado sa pedido na ipinadara kaiba sa mga pormang Special Order Blank. Kun nagpepedido, maninigong girumdomon kan mga kongregasyon na tamang tawan nin kard an balang bautisado asin dai pa bautisadong parahayag na maatender sa kombension. Siring man, puedeng magkaigwa an mga aki asin iba pa na regular na nag-aatender sa mga pagtiripon kan kongregasyon patin nag-ooswag pasiring sa pakikikabtang sa ministeryo sa langtad. Bakong tama na tawan nin lapel badge card kan kombension an sarong tiwalag.

Kun itinatao an mga kard, maninigong siertohon kan kamagurangan na iyan idinidistribwir kaoyon kan mga giyang ini.