Teokratikong mga Bareta

Haiti: An 7,209 parahayag na nagreport kan Nobyembre nagkondukta nin 14,281 pag-adal sa Biblia. An mga parahayag sa kongregasyon nagpromedyo nin 1.3 na pag-adal sa Biblia kada saro.

Martinique: An bagong peak na 3,169 parahayag naabot kan Nobyembre. Inatenderan nin 5,046 an pahayag kan paraataman sa sona.

Tahiti: An bagong peak na 1,366 na parahayag naabot kan Nobyembre na sarong 10-porsientong pag-oswag.

Thailand: An bagong peak na 1,232 na parahayag irineport kan Nobyembre, 6 porsiento an kalabihan sa iyo man sanang bulan kan sarong taon.

Madagascar: An bagong peak na 4,005 parahayag nagreport, asin an mga parahayag sa kongregasyon nagpromedyo nin 14 oras sa paglilingkod sa langtad.

Zaire: An Oktubre rinaot kan mga kariribokan asin panhahabon sa dakol na siudad. Sa ibong kan mga kadepisilan sa ekonomiya an mga tugang sibot sa paghuhulit kan maogmang bareta. Igwa nin inestablisar na programa nin pan-ayudang pagkakan na pan-emerhensia sa Kinshasa tanganing matabangan an satong mga tugang; ini inapresyar nindang gayo.

Sta. Lucia: An bagong peak na 481 parahayag naabot kan Nobyembre.

Greenland: Dakol na puwerang lugar an dinalaw dai pa sana nahahaloy, asin kadakol na babasahon an ikinapasakamot. An mga parahayag sa kongregasyon sa duwang pinakaamihanan na kongregasyon sa nasyon nagreport nin promedyong labing 22 na oras sa paglilingkod durante kan bulan.

American Samoa: An bagong peak na 203 na parahayag naabot dai pa sana nahahaloy na sarong 13-porsientong pag-oswag.