Hapot

◼ Maninigo daw na an kongregasyon magsaray nin file kan An Satong Ministeryo sa Kahadean?

Sa Mayo 1972 na luwas kan an Ministeryo sa Kahadean, idinoon na marahay na magsaray nin file sa librariya kan Kingdom Hall para sa bulanan na mga edisyon kan An Satong Ministeryo sa Kahadean bilang reperensia. Sagkod ngonyan angay na papagdanayon an siring na file sa kada librariya kan Kingdom Hall para magamit nin mga magurang asin parahayag.

Kun igwa nin siring na file, puwedeng magsiyasat an mga parahayag sa nakaaging mga materyal na naglalaman nin mga pag-aatubang sa paglilingkod sa langtad, pagkondukta nin pag-adal sa Biblia, paggibo nin pagdalaw liwat, asin iba pa. Makukua an marahay na mga ideya na magagamit sa ministeryo. Sa panapanahon, an presenteng mga luwas kan An Satong Ministeryo sa Kahadean nagsasambit sa mga luwas na ipinublikar bago pa an ibang tugang makaasosyar sa kongregasyon. An mga bagohan na nag-asosyar makikinabang kun sasarayon an file. An saro sa pinakabagong dinisenyong kahon para sa Watchtower puwedeng gamiton tanganing sarayon an nakaaging mga kopya kan An Satong Ministeryo sa Kahadean sa Kingdom Hall.

Kaipuhan na iasignar nin mga magurang magsalang an paraataman sa Teokratikong Paadalan sa Pagmiministro o an sarong kuwalipikadong ministeryal na lingkod tanganing siertohon na an file na ini kompleto bulan-bulan. Mantang an impormasyon na itinatao sa An Satong Ministeryo sa Kahadean nasa pormang mga suhestion asin bakong estriktong mga ley, iyan marahay pa man giraray na makukuanan nin materyal sa pagsiyasat na kaipuhan na kabtang kan kada librariya nin kongregasyon sa Kingdom Hall. Pero an mga nakaaging luwas kan An Satong Ministeryo sa Kahadean dai na puwedeng pedidohon sa sangang opisina.