Patoodon an Saimong Sadiri na Diosnon na Debosyon an Saimong Pag-aaboton

¹ Padagos na pinatotood kita kan Teokratikong Paadalan sa Pagmiministro na ‘gamiton an tataramon kan katotoohan sa tamang paagi.’ (2 Tim. 2:15) Nagpalista na daw kamo? Kun dai pa asin kun kamo kuwalipikado, taano ta dai makinabang paagi sa pagpalista na ngonyan?

² An sarong mahalagang kabtang kan paadalan iyo an programa sa semanal na pagbasa kan Biblia. Maninigong kaiba sa saindong personal na iskedyul sa pag-adal an pagbasa kan iinasignar na mga kapitulo tanganing pag-abot nin panahon nabasa na nindo an bilog na Biblia.

³ Poon sa 1993 na iskedyul kan paadalan, an pagbasa sa Biblia na ginigibo kan Pahayag Num. 2 babasahon sa kabilogan kaiyan na daing pagpondo. Ini nangangahulogan na an estudyante na nagkakapot kan pahayag na ini matao sana nin nagpapaliwanag na impormasyon sa saiyang introduksion asin konklusyon. An iinasignar na tugang na lalaki sa mga tampok kan Biblia kaipuhan na limitaran an saiyang mga komento sa mga bersikulo na iinasignar para sa Pahayag Num. 2 tanganing an espiker sa pahayag na iyan biyong ikapahayag an saiyang impormasyon sa pagbasa sa Biblia.

⁴ Mamarkahan kan paraataman sa paadalan an Speech Counsel slip kan mga magtatao kan Pahayag Num. 2, 3, asin 4. Dai nia kaipuhan na sunodon an pagkasunodsunod sa counsel slip kundi puwedeng magtao nin sadol sa mga punto kun saen an estudyante kaipuhan na umoswag. Dai na kaipuhan na markahan an counsel slip kan espiker na nagtatao kan Asignasyon Num. 1, minsan ngani an pribadong sadol puwedeng itao kun kinakaipuhan.

⁵ An gabos na kuwalipikado kaipuhan na aprobetsaran an pagpapatood na itinatao sa Teokratikong Paadalan sa Pagmiministro. Puwedeng gumiya an siring na pagpapatood sa mas mabungang ministeryo.​—1 Tim. 4:7.