Kaya daw Nindong Gibohon Iyan?
1 ‘Gibohon an ano?’ an hapot nindo. Minasimbag an Talinhaga 3:27: “Dai ipanguri an marahay sa mga nanonongdan kaiyan, kun nasa kapangyarihan kan saimong kamot na gibohon iyan.” Iyan daw ‘nasa kapangyarihan kan saindong kamot’ na pahiwason an saindong mga aktibidad asin makikabtang sa auxiliary o regular payunir na paglilingkod? Kaya daw nindong gibohon iyan?
2 Nakapakokosog nanggad na mabasa sa 1993 Yearbook na nagkaigwa nin promedyong 22,205 payunir sa Pilipinas, na 1 payunir sa kada 5 parahayag. Iyo, 3,697 an naglaog sa paglilingkod bilang payunir kan nakaaging taon. Ini katimbang nin labi sa 10 parahayag kada aldaw na nagsiyasat kan saindang mga kamugtakan asin naheling na mas dakol pa an saindang magigibo sa ministeryo.
3 An pag-auxiliary payunir sarong paagi nin paggibo nin marahay sa iba. Kan nakaaging taon nagkaigwa nin peak na 17,009 auxiliary payunir. Ekselente iyan. An dakol na parahayag naghahanap nin mga paagi na makapag-auxiliary payunir nin mas parate sa bilog na taon.
4 Tanganing madeterminaran kun baga kaya nindong “gibohon iyan” o dai, kaipuhan nguna nindong konsideraron an saindong odok sa pusong kamawotan. (Mat. 22:37-39) An Gibo 20:35 nagsasabi: “Igwang orog na kaogmahan sa pagtao kisa pag-ako.” Daing duwa-duwa, an mga bukas-palad na nagtatao nin espirituwal na pagtabang na gikan sa puso igwa nin tamang pagmawot. Tanganing magin mapangganang parahayag o payunir, an pagmawot na iyan mahalaga.
5 Ikaduwa, konsideraron an saindong presenteng mga kamugtakan. Makagigibo daw kamo nin mga pagliliwat sa saindong pan-aroaldaw na mga gibohon tanganing makapaglingkod sa bilog na panahon? Bakong gabos makagigibo. Alagad pakatapos nin mapagngayongayong pagsiyasat sa sadiri, sa kada taon ribo-ribo an nakanonompong na “gibohon iyan.” (Col. 4:5) Halimbawa, an ibang pamilya minapili nin partikular na mga bulan para sa nagkapira o sa gabos na miembro kan pamilya tanganing mag-auxiliary payunir. An iba pang pamilya ginagastosan an saro sa mga miembro kan saindang pamilya bilang regular payunir. Nag-orolay na daw an saindong pamilya sa mga posibilidad na ini?—Helingon an Talinhaga 11:25.
6 An pagtabang sa iba tanganing makaaram kan katotoohan iyo an nagtatao nin tunay na pagkakontento, baga man kamo naglilingkod bilang sarong parahayag o bilang payunir. Aram niato na an tunay na kagayagayahan minaabot sa paggibo nin marahay sa iba, nangorogna kun ‘nasa kapangyarihan kan satong kamot na gibohon iyan.’