Kaipuhan Ko daw na Magparaliwatliwat?

An kada luwas kan An Satong Ministeryo sa Kahadean nagtatao nin manlaenlaen na pag-atubang na puwede niatong gamiton kun nagpapatotoo. Dakol na parahayag an nagmamawot na makakua nin bagong mga ideya asin gumamit nin laen-laen na pag-atubang. Pinaninigoan sinda kan An Satong Ministeryo sa Kahadean paagi sa pagtao nin nagkapirang suhestion kada bulan.

Pero tibaad dai kamo nakakamate kan pangangaipo na magparaliwatliwat kan ginagamit nindo. Sa laog nin haloy-haloy nang panahon, tibaad nakabilog kamo nin pag-atubang na naoogma kamong gamiton, asin nakakakua kamo nin marahay na mga resulta paagi kaiyan. Tibaad naggagamit sana kamo nin saro o duwang teksto, siring baga kan 2 Pedro 3:13 o Kapahayagan 21:4. Kun iyo, dai na nindo kaipuhan na parateng magliwat sa iba pa. An satong pangenot na pasohan iyo na ihiras sa iba an paglaom sa Kahadean. Kun igwa kamo nin bago asin nakakaakit na pag-atubang na mas gusto nindong gamiton asin nakakakua kamo nin marahay na reaksion paagi kaiyan, dai magduwaduwang gamiton iyan.