Hanapon an mga Madaling Tokdoan
1 “Dai nin nakakadolok sa sako kun dai sia dagkahon kan Ama, na nagsugo sa sako.” (Juan 6:44) Babalosan ni Jehova an mga madaling tokdoan. (Jer. 17:10; Juan 6:45) Igwa kitang pribilehiyo na magin saiyang mga kapwa trabahador sa paghanap kan mga mahoyong ini.—Sal. 37:11; 1 Cor. 3:9.
2 Ilinadawan ni Jesus an saiyang mga disipulo bilang “mga parasira nin mga tawo.” (Mat. 4:19) An sarong mapangganang parasira kaipuhan na maaraman kun ano an dapat na gibohon tanganing maakit an sira. Siring man, kaipuhan niatong iatubang an mensahe sa mga dinadalaw liwat sa paaging nakakaakit na makakapukaw sa interes kan mga nagdadangog sa sato. Ano an puwede niatong sabihon?
3 Kun ipinaheling an interes sa mga artikulo sa “Torrengbantayan” na nagpapaliwanag manongod sa relihiyon, puwede kamong magsabi:
◼ “Kan nakaagi nag-olay kita dapit sa kun taano ta dakol na tawo an habong pag-olayan an relihiyon. Nahorophorop na daw nindo kun taano an relihiyon ta pinagdedebatehan nanggad na tema?” Pasimbagon. Buksan sa pahina 322 kan librong Reasoning, asin ipakipag-olay an “Why Are There So Many Religions?”
4 Puwede nindong gamiton an kaparehong pag-atubang na ini sa pagpoon nin pag-orolay manongod sa temang relihiyon:
◼ “Igwa daw nin sarong paagi na makakasierto kita na yaon sa sato an tunay na relihiyon? [Pasimbagon.] Huling dakolon na laen-laen na relihiyon, dakol na tawo an nariribaraw.” Buksan an librong Reasoning, sa pahina 328-9, sa hapot na “How Can a Person Know Which Religion Is Right?” Komentohan sa halipot an hapot numero 5: “Do its members truly love one another?” Ipaliwanag an satong programa sa pag-adal sa Biblia.
5 Kun an kagharong garo baga nahahadit manongod sa mga kamugtakan sa kinaban, tibaad boot nindong probaran ini:
◼ “Malinaw na nahahadit kamo dapit sa maraot na mga kamugtakan na kaipuhan niatong pangganahan sa pagbuhay asin pag-ataman sa satong mga pamilya. Ihinahayag kan Biblia an sarong makangangalas na panuga na ootobon nin Dios sa harani nang ngapit.” Basahon an Talinhaga 2:21, 22, asin ipaliwanag an panuga na daing katapusan na katoninongan sa kinaban.
6 Kun naggigibo nin mga pagdalaw liwat pakalihis kan Abril 23, tabi siertohon na magwalat nin kopya kan Kingdom News sa mga kagharong na mayo pa kaiyan. An sasabihon nindo sa pagdalaw liwat sa mga napasakamotan kan Kingdom News ipaliliwanag sa luwas na Mayo kan An Satong Ministeryo sa Kahadean.
7 Mantang an Tataramon nin Dios “mapuwersa,” maninigo tang pagmaigotan na gamiton iyan sa satong mga pag-atubang. (Heb. 4:12) Pakosogon an kagharong na basahon nia mismo an Biblia. (Ikomparar an Gibo 17:11.) Kun mahigos niatong ginigibo an satong kabtang, bebendisyonan ni Jehova an satong mga paghihingoa.