Gamiton an Librong Reasoning sa mga Pagdalaw Liwat
1 “Ako an nagtanom, si Apolos an nagbaribi.” Siring an sabi ni apostol Pablo. (1 Cor. 3:6) An gibohon na pagdalaw liwat parateng inaapod na gibohon na “pagbabaribi.” Pinangyayari kita kaiyan na ‘iwarak an kaaraman’ tanganing atamanon an ipinaheling na interes sagkod na iyan makagamot asin maponan an pag-adal sa Biblia.—Tal. 15:7.
2 An iba tibaad magduwaduwa na dumalaw liwat huli ta dai segurado kun ano an sasabihon. Itinatao kan librong Reasoning an mga outline kan Makakasuratan na mga tema na puwedeng ipakipag-olay sa kagharong. Mag-andam nin marhay para sa pagdalaw liwat, tibaad ginagamit an saro o labi pa sa minasunod na suhestion.
3 Kun nakapasakamot kamo nin sarong kopya nin Abril 15, 1992 na “Watchtower” sa temang pamibi, sa pagbuwelta nindo puwede nindong iatubang an hapot na:
◼ “Ano an minagibo sa pamibi nin saro na dai akoon nin Dios?” Pakatao nin panahon sa kagharong na makasimbag, iluwas an saindong librong Reasoning asin buksan sa pahina 293. Ipakipag-olay saiya an pira sa mga kasuratan sa irarom kan temang iyan, na dinadagka sia na basahon nin direkta sa libro. Kun naheheling nindo an sinserong interes, tibaad booton nindong ialok an suskripsion pagkatapos.
4 Sa ibang pagdalaw liwat, pakatapos na hapoton an kagharong kun ano an pakasabot nia sa Kahadean nin Dios, na sinasambit sa Pamibi kan Kagurangnan, helingon an pahina 226-32. Mantang itinotogot nin panahon, ipaliwanag an mga kasuratan sa irarom nin “Is God’s Kingdom a Real Government?” asin “What Will God’s Kingdom Accomplish?”
5 Saro pang halimbawa, an kagharong puwedeng kumua nin kopya kan Abril 22, 1992 na Awake! sa temang “Life—What Is Its Purpose?”
Puwede nindong ihapot:
◼ “Igwa daw nin ebidensia na an hawak nin tawo dinisenyo tanganing mabuhay sagkod lamang sa daga?” O, “Sa paghona daw nindo nakaaaram an gadan kun ano an ginigibo kan mga nabubuhay?” Makiareglo na mabalik na may mga simbag, arog kan makukua sa librong Reasoning sa pahina 247 asin 100.
6 Kun an enot na pag-orolay manongod sa ngapit kan daga, puwede nindong ihapot:
◼ “Totogotan pa daw nin Dios an mga tawo na raoton an daga sa ano man na paagi?” Dangan buksan an pahina 44-5 kan librong Reasoning asin ipakipag-olay an Makakasuratan na simbag. O tibaad ihapot kan kagharong: “Kun binilyon an bubuhayon liwat hale sa mga gadan, saen sinda gabos maistar?” An simbag makukua sa librong Reasoning, pahina 340.
7 Pagmaigotan na dai iubos sa kagharong an gabos na katotoohan nin sararoan sana. Iwalat an ibang mga hapot na sisimbagon sa masunod na mga pagdalaw. Bilang mga katabang nin Dios, boot niatong gibohon nin may pagkaeksperto an pagtatanom asin pagbabaribi paagi sa epektibong paggamit kan librong Reasoning. Makalalaom kita na patataluboon iyan nin Dios.