An mga Donasyon sa Pankinaban na Gibohon kan Sosyedad Nakasusuportar sa Pagpahiwas
Siring kan ihinula sa Isaias 54:2, 3, padagos na naghihiwas an dalisay na pagsamba ki Jehova sa bilog na daga. Kabale digdi an manlaenlaen na kadagaan sa Aprika asin hararaning isla. Durante kan nakaaging sampulong taon, hinale na an mga pagbabawal sa gibohon na pan-Kahadean sa Angola, Cameroon, Equatorial Guinea, Etiopia, Madagascar, Malawi, Mozambique, asin Togo. Sa mga ini asin sa iba pang kadagaan kun saen maputi na an oma tanganing anihon, ginatos na misyonero nin Gilead, graduwado sa Paadalan sa Ministeryal na Pagsasanay, miembro kan pamilyang Bethel, asin iba pa an nag-ako nin mga destino.—Mat. 9:37, 38.
Malinaw nanggad, an pagdakol kan tunay na mga parasamba sa laog kan organisasyon ni Jehova naghahagad nin pagtogdok nin ginatos na bagong Kingdom Hall. Nangaipo man na magplano para sa mga Assembly Hall asin bago o pinahiwas na mga pasilidad kan sanga. An pagsustento sa mga proyektong ini bako sanang sa Aprika kundi siring man sa iba pang parte kan kinaban nakagamit nin dakol sa idinonar sa pankinaban na gibohon kan Sosyedad.
An mga retrato asin drowing sa duwang pahina kan suplementong ini nagtatao sa saindo nin ideya kun ano an hinihingoang gibohon kan Sosyedad sa langtad kan Aprika. Ipinaheheling an nagkapira sa pagtogdok na ginigibo na ngonyan asin mga proyekto na poponan sa dai na mahahaloy.
Paagi sa pagsiyasat sa tsart nin paglilingkod sa langtad sa 1996 Yearbook, magkakaigwa kamo nin mas marahay na ideya kun ano an ginigibo sa ministeryo kan mga parahayag sa mga nasyon na ini. Nagkaigwa nin ekselenteng mga pag-oswag, asin an potensial sa pagtalubo maheheling sa pambihirang bilang nin nag-atender sa Memorial. Kun isinasaisip niato an ginigibo man sa ibang kontinente, itinatadom kaiyan sa sato kun gurano kadakula kan satong pribilehio na suportaran an tunay na pagsamba sa materyal na paagi.—Luc. 16:9; 1 Tim. 6:18.
[Retrato sa pahina 3]
Kingdom Hall sa KwaZulu-Natal, Aprika del Sur, na itinogdok sa laog nin 9 na aldaw
[Retrato sa pahina 3]
Kingdom Hall sa Nigeria na gibo sa mas ekonomiyang konkretong lanob na pormado na
[Retrato sa pahina 3]
Assembly Hall sa Mozambique na may may mga tukawan para sa 1,500, na matatapos sa katapusan kan 1996
[Retrato sa pahina 3]
Mga pasilidad kan sanga sa Mozambique, na andam nang okuparon sa tigholog nin 1996
[Retrato sa pahina 3]
Sanga sa Sierra Leone, na nakaiskedyul na taposon ngonyan na tig-init
[Retrato sa pahina 4]
Haman nang mayong lanob na Assembly Hall sa Mauritius, kaiba an mga pasilidad kan sanga, na tataposon sa tigsoli nin 1997
[Retrato sa pahina 4]
Sanga sa Zimbabwe na itinotogdok
[Retrato sa pahina 4]
Mayong lanob na Assembly Hall asin bagong sanga na itinotogdok sa Senegal
[Retrato sa pahina 4]
Bagong sanga sa Kenya, sa kabisera nin Nairobi
[Retrato sa pahina 4]
Sanga sa Madagascar, na tataposon sa dai na mahahaloy
[Retrato sa pahina 4]
Ipinoproner na mga edipisyo kan sanga para sa Malawi