Igwa daw Kamo nin Depinidong Pedido na Magasin?
1 Nagduman na daw kamo sa sarong pagtiripon bago lumuwas sa paglilingkod sa langtad asin nadiskobre nindo na mayo palan kamo nin mga magasin sa saindong bag na ginagamit sa paghuhulit? Bueno, girumdomon an Enero 1996 na suplemento kan An Satong Ministeryo sa Kahadean na may temang “Gamiton sa Pinakamarahay an Satong mga Magasin.” Nagsabi iyan sa sato na “magkaigwa nin depinidong pedido na magasin,” na nagsasabi: ‘Magpedido nin depinidong bilang nin mga kopya kan kada isyu sa tugang na nag-aasikaso kan mga magasin. Sa paaging ini, kamo asin an saindong pamilya magkakaigwa nin regular asin bastanteng suplay nin mga magasin.’ Nagibo na daw nindo ini?
2 Taano ta dai magkaigwa nin depinidong pedido na magasin? Mamamatean nindo an orog na paninimbagan na iwaras an mga magasin serosemana, asin maeeksperyensiahan nindo an dagdag na kagayagayahan sa paggibo kaiyan. Kun igwa na kamo nin depinidong pedido na magasin, pag-adalan giraray kun baga nakukua nindo an bilang na kinakaipuhan nindo para sa sarong promedyong bulan sa ministeryo. Siempre, boot niatong magin masasarigan sa pagkua kan satong pedido kada semana asin maninigo kitang makamate nin obligasyon na gibohon iyan. Kun kamo mahale sa kongregasyon sa laog nin halawig na panahon, paaramon an naglilingkod sa magasin kun baga gusto nindong itao nia sa iba an saindong mga magasin sagkod na umabot kamo.
3 An iyo man sanang suplemento na kinotar sa enotan nagsabi man na maninigo kitang “mag-iskedyul nin regular na aldaw sa pagmamagasin.” Puede daw nindong suportaran an semanal na Aldaw nin Pagmamagasin? Siring kan ipinaheheling sa 1999 Calendar of Jehovah’s Witnesses, ini kada Sabado kan taon! Dai pagmenuson an kahalagahan kan pagdistribwir nin An Torrengbantayan asin Awake! Kun kita naghihingoa na lubos na makikabtang sa pagmamagasin, kita “nagdadara nin maogmang bareta dapit sa orog karahay” sa satong mga kataed.—Isa. 52:7.