Kun Ano an Sasabihon Manongod sa mga Magasin

An Torrengbantayan Okt. 15

“Ano an kaipuhan tangani na makagibo nin sarong mas marahay, mas maogmang kinaban? [Pasimbagon.] Prinobaran na nin tawo an iba-ibang klase nin gobyerno tangani na pakarhayon an situwasyon. Alagad mangnoha an pagmansay nin Dios digdi. [Basahon an Jeremias 10:23.] Ihinahayag kan artikulong ini ‘An Liabe sa Sarong Maogmang Kinaban,’ na ipinaheheling kun paano ini maootob sa dai na mahahaloy.”

Awake! Okt. 22

“Maoyon daw kamo na an mga tawo ngonyan garo baga nabubuhay na mas dakol an kasakitan kisa kasuarin pa man kaidto? [Pasimbagon.] Ihinula ini kan Biblia. [Basahon an 2 Timoteo 3:1.] Nanompongan nin dakol na tawo na an buhay masakiton kaya minasuko na sinda. An magasin na ini nagtatao nin tunay na pamparigon sa boot. Ipinaheheling kaiyan kun paano mapaglalabanan an pagkadesesperar asin magigin kapakipakinabang an buhay.”

An Torrengbantayan Nob. 1

Pakasambita nin sarong nakapupurisaw na bareta, ihapot: “Taano an mga tawo ta naggigibo nin siring karaot na mga bagay? Kita gabos maninigong makaaram kun ano an tama asin sala, alagad an mga tawo naggigibo pa man giraray nin maraot na mga bagay. Taano? [Pakasimbag, basahon an Kapahayagan 12:9.] Ipinaliliwanag kan magasin na ini kun paano poprotehiran an satong sadiri paagi sa pag-iingat sa satong konsensia.”

Awake! Nob. 8

“Posibleng oyon kamo na kita nabubuhay sa madahas na mga panahon. [Pakasimbag, basahon an 2 Timoteo 3:3.] Sa parate nangyayari an ‘maringis’ na mga gibo dawa sa laog nin pamilya. An artikulong ini, na ‘Help for Battered Women,’ nag-aatubang nin sarong mensahe nin paglaom. Tibaad may midbid kamo na puede nindong ihiras iyan.”