Kun Ano an Sasabihon Manongod sa mga Magasin

An Torrengbantayan Oktubre 15

“Dakol na tawo an naniniwala na dai nanggad segurado an ngapit kaya mas mapaparahay kita kun mabubuhay kita para sana ngonyan. Ano sa paghona nindo? [Pasimbagon.] Sinabi ni Jesus an interesanteng komentong ini. [Basahon an Mateo 6:34.] Ipinapaliwanag kan magasin na ini kun paano kita makakapagplano para sa ngapit alagad kasabay kaiyan makakalikay sa labi-labing paghadit manongod dian.”

Awake! Oktubre

“Gabos kita nagadanan na nin mga namomotan. Sa paghona daw nindo binabantayan ninda kita hale sa langit? [Pasimbagon.] Mangnohon kun ano an sinabi ni Jesus kan magadan si Lazaro. [Basahon an Juan 11:11.] Ipinapaliwanag kan artikulong ini kun baga an mga gadan buhay sa sarong lugar o torog na naghahalat nin pagkabuhay liwat.” Itampok an artikulo na nagpoon sa pahina 28.

An Torrengbantayan Nobyembre 1

“Sa paghona daw nindo magigin mas marahay na lugar an kinaban kun an mga tawo nagpapaheling nin orog na kapakumbabaan? [Pasimbagon.] Mangnohon an sinabi ni Jesus manongod sa kualidad na ini. [Basahon an Mateo 23:12.] Tinotokar kan artikulong ini an kahalagahan kan pagpatalubo nin kapakumbabaan, dawa sa kinaban na ini na may kompetisyon.”

Awake! Nobyembre

“Kan nakaagi, an mga tawo parateng naglalaom sa Biblia para sa paggiya. Alagad ngonyan dakol an nagsasabi na may mga pagduda sinda. Ano sa paghona nindo? [Pasimbagon. Dangan basahon an 2 Timoteo 3:16.] An espesyal na isyung ini kan Awake! nagtatao nin mapuersang ebidensia na an Biblia ipinasabong nin Dios.”