Kun Ano an Sasabihon Manongod sa mga Magasin

An Torrengbantayan Okt. 15

“May mga naniniwala na mientras na mas dakol an kuarta ninda mas magigin nakakakontento man an buhay ninda. Sa paghona daw nindo totoo iyan? [Pasimbagon.] Mangnoha an isinurat nin sarong tawong mayamanon. [Basahon an Eclesiastes 5:10.] Tinotokar kan magasin na ini an mga prinsipyo sa buhay na nakakalabi sa materyal na kayamanan.”

Awake! Okt. 22

“Dakol an nakakasabot sa importansia nin pagsasanay sa mga aki poon sa amay na edad. Sa heling daw nindo kaipuhan ini ngonyan? [Pasimbagon. Dangan basahon an Talinhaga 22:6.] Tinotokar kan isyung ini kan Awake! an espesipikong mga bagay na magigibo nin mga magurang tangani na tabangan an saindang mga aki na magin tanos asin mapangganang mga adulto.”

An Torrengbantayan Nob. 1

“Dakol an mayo nin kompiansa sa abilidad nin mga tawong namomoon na resolberan an mga problema ngonyan. Sa paghona daw nindo igwa nin siisay man na makakaotob kan ihinula sa mga bersikulong ini? [Basahon an Salmo 72:​7, 12, 16. Dangan pasimbagon.] Ipinapaliwanag kan magasin na ini kun siisay an ihinulang namomoon na ini asin kun ano an gigibohon nia.”

Awake! Nob. 8

“An mga aki nangangaipo nin paggiya tangani na makaya an mga impluwensia na inaatubang ninda ngonyan, bako daw? [Pasimbagon. Dangan basahon an Efeso 6:4.] Sinisiyasat kan magasin na ini an tunay na kahulogan nin disiplina. Tinotokar man kaiyan kun paano makakatao an mga magurang nin paggiya asin pagtatanos na dai pinapaluya an boot kan saindang mga aki.”