Kun Ano an Sasabihon Manongod sa mga Magasin

An Torrengbantayan Peb. 15

“May mga nag-iisip-isip kun igwa nin personang Dios. An iba nagsasabi na sia nag-eeksister alagad naniniwala na sia harayo sa sainda. Narisa daw nindo ini? [Pasimbagon.] Mangnoha nindo kun taano ta mahalagang marhay na mamidbid nin personal an Dios. [Basahon an Juan 17:3.] Mapadapit digdi, manonompongan nindong interesante an enot na mga artikulo sa isyung ini.”

Awake! Peb. 22

“Sa paghona daw nindo katuyohan nin Dios na an mga tawo, pati na an mga aki, magin apektado nin malnutrisyon? [Pasimbagon.] Mangnoha nindo an nakararangang panugang ini na yaon sa Biblia. [Basahon an Salmo 72:16.] Tinotokar kan isyung ini kan Awake! an mga dahelan nin malnutrisyon asin, orog na mahalaga, an panuga nin Dios na taposon iyan sa dai na mahahaloy.”

An Torrengbantayan Mar. 1

“Gusto niamong hagadon an opinyon nindo sa interesanteng tekstong ini. [Basahon an Mateo 5:10.] Paano an saro puedeng magin maogma kun sia pinaglalamag? [Pasimbagon.] An enot na duwang artikulo sa magasin na ini nagsasaysay dapit sa nagkapira na napagdanay an kaogmahan sa ibong kan pagdusa ninda. Magigin interesado kamong basahon kun paano ninda nagibo iyan.”

Awake! Mar. 8

“Dai daw kamo maoyon na sa ibong kan mga problema sa buhay igwa pa man giraray kita nin dahelan na magin mapagpasalamat? [Pasimbagon.] An sarong dahelan na magin mapagpasalamat iyo an paagi nin pagkagibo sa sato. [Basahon an Salmo 139:14.] Kanigoan an pagpasalamat niato sa pagkaigwa kan mga sentido na kaipuhan tanganing maapresyar an buhay, siring sa ipinaheheling kan isyung ini kan Awake!”